• Shan Siva
• 24 Feb, 2025

பெட்டாலிங் ஜெயா, பிப் 24: மனிதவள மேம்பாட்டுக் கழகம் (HRD Corp) கடந்த ஆண்டு பெறப்பட்ட லெவி கட்டண வருவாயில் RM2.3 பில்லியன் வசூலித்துள்ளது என்று மனிதவள் அமைச்சர் ஸ்டீவன் சிம் தெரிவித்துள்ளார். இது 2023 இல் வசூலிக்கப்பட்ட RM2.1 பில்லியனை விட அதிகமாகும் என்று அவர் கூறினார்.

இது HRDCorp-க்கு ஒரு பெரிய சாதனை என்று குறிப்பிட்ட அவர், முதலாளிகளிடமிருந்து வசூலிக்கப்படும் வரிகள் பணியாளர் பயிற்சி மற்றும் மேம்பாட்டிற்காக முழுமையாகப் பயன்படுத்தப்படுவதை இது காட்டுகிறது என்று விளக்கினார்.

மலேசிய தொழிலாளர்கள் மற்றும் தொழில்களுக்குப் பயனளிக்கும் வகையில் ஒவ்வொரு ரிங்கிட்டும் திறம்பட பயன்படுத்தப்படுவதை உறுதி செய்வதே தங்கள் குறிக்கோள் என்று சிம் இன்று நாடாளுமன்றத்தில் அரச உரையின் மீதான விவாதத்தை முடிக்கும்போது கூறினார்.

நிறுவனத்தின் நிதி மேலாண்மை குறித்து பொதுக் கணக்குக் குழு (PAC) எழுப்பிய கவலைகளைத் தொடர்ந்து, வெளிப்படைத்தன்மை மற்றும் அதிகாரிகளுடன் ஒத்துழைப்புக்கான அமைச்சகத்தின் உறுதிப்பாட்டையும் அவர் உறுதிப்படுத்தினார்!