• Shan Siva
• 24 Feb, 2025

 பெட்டாலிங் ஜெயா: டிஏபியின் 4,000க்கும் மேற்பட்ட பிரதிநிதிகள் மார்ச் 16 ஆம் தேதி கோலாலம்பூரில் கூடி, அடுத்த மூன்று ஆண்டுகளுக்கு கட்சியின் மத்திய செயற்குழுவில் (CEC) 30 உறுப்பினர்களைத் தேர்ந்தெடுப்பார்கள்.

தேர்வு செய்யப்பட்ட உறுப்பினர்கள் பின்னர் 2025-2028 காலகட்டத்திற்கான கட்சியின் நிர்வாகிகளைத் தேர்ந்தெடுப்பார்கள், இது நவம்பர் 2027 இல் நடைபெறவிருக்கும் அடுத்த பொதுத் தேர்தலுக்கு (GE16) வழிவகுக்கும் ஒரு முக்கியமான காலகட்டமாகும்.

டிஏபியின் அரசியலமைப்பின் கீழ் பொதுச் செயலாளர் நிர்வாக அதிகாரங்களைக் கொண்டிருந்தாலும், தலைவர் ஒரு முக்கிய நபராகவே இருக்கிறார், தேர்தல் வேட்பாளர்களைத் தேர்ந்தெடுப்பதற்குப் பொறுப்பான ஐந்து உறுப்பினர்களைக் கொண்ட குழுவை அவரே  வழிநடத்துகிறார்.

டிஏபி தலைவர் லிம் குவான் எங் CEC-யில் சேருவார் என்று ஆதாரங்கள் எதிர்பார்க்கின்றன, ஆனால் அந்தப் பதவிக்கு போட்டி ஏற்பட்டால் கட்சியின் தலைமைப் பதவியைத் தக்கவைக்க CEC-க்குள் இருந்து போதுமான வாக்குகளைப் பெறுவது அவருக்கு கடினமாக இருக்கலாம் என்று சில தகவல்கள் கூறுகின்றன.

டிஏபியின் அரசியலமைப்பு, 30 சிஇசி இடங்களில் ஒன்பது இடங்களை பெண்களுக்கு ஒதுக்க வேண்டும் என்று சொல்கிறது.

வரலாற்று ரீதியாக, சிஇசி தலைமைப் பாத்திரங்கள் ஒருமித்த கருத்தினால் தீர்மானிக்கப்பட்டு வருகின்றன, ஒரு சவால் இருந்தால் வாக்கெடுப்பு நடைபெறுகிறது.

உண்மையைச் சொல்வதானால், தற்போது, ​​குவான் எங் தனது பதவியைத் தக்கவைத்துக்கொள்வது அவருக்கு சற்று கடினமாகத் தெரிகிறது, ஏனெனில் அவருக்கு எதிரான அலை காரணமாக. கட்சிக்குள்ளும் வெளியேயும் எதிர்ப்பு இருப்பதாகச் சொல்லபப்டுகிறது,

அவர் தற்போதைய அரசாங்கத்தில் அமைச்சர்களாக உள்ள டிஏபி பொதுச் செயலாளர் லோக் சியூ ஃபூக் மற்றும் பேராக் தலைவர் ங்கா கோர் மிங் ஆகியோரின் ஆதரவைப் பெற வேண்டும். தேர்தல் முடிவில் அவர்களுக்கு கணிசமான செல்வாக்கு உள்ளது என்று ஒரு வட்டாரம் எஃப்எம்டியிடம் தெரிவித்துள்ளதாக அத்தளம் செய்தி வெளியிட்டுள்ளது.

மேலும் தலைவர் பதவியைப் பெறத் தவறுவது குவான் எங்கின் அரசியல் வாழ்க்கையின் முடிவைக் குறிக்கலாம், ஏனெனில் அது GE16க்கான அவரது வேட்புமனுவை ஆபத்தில் ஆழ்த்தும் என்று தெரிவிக்கப்பட்டுளது!