குவந்தான் கோர விபத்து! ஐவர் பலி!

Shan Siva
07 Jun, 2025

குவந்தான், ஜூன் 7: ஜெரான்டுட்டில் உள்ள ஜாலான் ஜெராண்டுட் ஃபெரியில் நேற்று நள்ளிரவு சுமார் இரண்டு வாகனங்கள் மோதிக்கொண்டதில் ஒரே குடும்பத்தைச் சேர்ந்த ஐந்து பேர் உயிரிழந்தனர்.

இந்த சம்பவத்தில் பெரோடுவா பெஸ்ஸா மற்றும் டொயோட்டா ஆல்பார்டு ஆகிய இரண்டு வாகனங்கள் சம்பந்தப்பட்டிருந்ததாக பகாங் தீயணைப்பு மற்றும் மீட்புத் துறை இயக்குநர் ரஸாம் தாஜா ரஹீம் தெரிவித்தார்.

காரில் பயணித்த 17 முதல் 26 வயதுக்குட்பட்ட மூன்று ஆண்களும் இரண்டு பெண்களும் சம்பவ இடத்திலேயே உயிரிழந்ததாக அவர் கூறினார்.

பாதிக்கப்பட்டவர்களில் இருவர் வாகனத்திற்குள் சிக்கிக்கொண்டனர், மற்ற மூவர் மோதலில் தூக்கி வீசப்பட்டனர்.

MPV-யில் இருந்த இரண்டு ஆண்களும் ஒரு பெண்ணும் காயமடைந்தனர் என்று அவர் ஒரு அறிக்கையில் தெரிவித்தார்.

சிக்கியவர்களை மீட்க தீயணைப்பு வீரர்கள் மீட்பு உபகரணங்களைப் பயன்படுத்த வேண்டியிருந்தது என்றும் அவர் கூறினார். ஐந்து பேரின் உடல்கள் மேலதிக நடவடிக்கைக்காக போலீசாரிடம் ஒப்படைக்கப்பட்டன.

காயமடைந்த மூன்று பேரும் சிவில் பாதுகாப்பு படை ஆம்புலன்ஸ் மூலம் அருகிலுள்ள மருத்துவமனைக்கு கொண்டு செல்லப்பட்டதாக அவர் கூறினார்!

Lima sekeluarga maut dalam kemalangan di Jalan Jerantut Ferry melibatkan Perodua Bezza dan Toyota Alphard. Tiga lelaki dan dua wanita meninggal di tempat kejadian, manakala tiga lagi cedera dan dibawa ke hospital. Operasi menyelamat melibatkan peralatan khas.

Your email address will not be published. Required fields are marked *

முக்கிய செய்தி