• Shan Siva
• 23 Apr, 2025

கோலாலம்பூர், ஏப்ரல் 23: 88 வயதில் போப் பிரான்சிஸ் திங்கட்கிழமை காலமானதைத் தொடர்ந்து, மலேசியா முழுவதும் உள்ள கத்தோலிக்கர்கள் ஒன்பது நாள் துக்க அனுசரிப்பைத் தொடங்கியுள்ளனர்.

கோலாலம்பூர் மறைமாவட்டத்தால் நேற்று வெளியிடப்பட்ட அறிவிப்பில், மறைமாவட்டத்தின் வேந்தர் அருட்தந்தை டாக்டர் கிளாரன்ஸ் தேவதாஸ், ஆழ்ந்த துக்கத்தையும் மரியாதையையும் வெளிப்படுத்தினார்.

போப் பிரான்சிஸ் பூமியில் கிறிஸ்துவின் தூதுவராக உண்மையாகப் பணியாற்றினார். பணிவு, கருணை மற்றும் நற்செய்திக்கு தனது வாழ்க்கையை அர்ப்பணித்தார் என்று அவர் கூறினார்.

மறைமாவட்டம் முழுவதும் ஈஸ்டர் எண்ம நாளில் கொண்டாடப்படும் திருப்பலிகளில் அவரது ஆன்மா சாந்தியடைய சிறப்பு பிரார்த்தனைகள் செய்யப்படும் என்று அவர் தெரிவித்தார்.

கோலாலம்பூரில் உள்ள செயிண்ட் ஜான் தி எவாஞ்சலிஸ்ட் கதீட்ரலில் பொதுமக்கள் தினமும் காலை 9 மணி முதல் மாலை 6 மணி வரை அஞ்சலி செலுத்த அழைக்கப்படுகிறார்கள்.

மறைந்த புனித தந்தையின் உருவப்படத்தைக் காட்சிப்படுத்தவும், அவரது நினைவாக ஜெபமாலை மற்றும் நற்கருணை வழிபாடு உட்பட பொது பிரார்த்தனைகளை  ஏற்பாடு செய்யவும் தேவாலயங்கள் ஊக்குவிக்கப்பட்டுள்ளன.

கடவுளின் எல்லையற்ற கருணை மற்றும் அன்புக்கு அவரது ஆன்மாவை அர்ப்பணித்து, உலகெங்கிலும் உள்ள தேவாலயங்களுடன் ஒன்றிணைந்து, இதயப்பூர்வமான பிரார்த்தனைகளை வழங்க அனைத்து விசுவாசிகளையும் - தனித்தனியாகவும், குடும்பங்களாகவும் தாங்கள் கேட்டுக்கொள்வதாக அவர் தெரிவித்துள்ளார்!

Pope Francis wafat pada usia 88 tahun. Katolik di Malaysia memulakan sembilan hari berkabung. Misa dan doa khas diadakan di gereja. Umat diseru mendoakan rohnya dengan penuh kasih dan hormat sebagai tanda penghargaan atas khidmatnya kepada agama.