வாளிக்குள் மூழ்கி 11 மாதப் பெண்குழந்தை பரிதாப மரணம்! பாட்டி கைது
- Shan Siva
- 27 May, 2026
கோலம் பூர், மே 27: நெகிரி செம்பிலான், சிரம்பானில் நேற்று தண்ணீர் நிரம்பிய வாளியில் கண்டெடுக்கப்பட்ட 11 மாத பெண் குழந்தை உயிரிழந்ததைத் தொடர்ந்து, 54 வயது பெண் ஒருவர் கைது செய்யப்பட்டார்.
சிரம்பான் காவல் நிலையத் தலைவர் யாதிம் உஸ்மான், இரவு 7.22 மணிக்கு இதுகுறித்து புகார் அளிக்கப்பட்டதாகக் கூறினார்.
குழந்தையின் பெற்றோர் வேலைக்குச் சென்றிருந்தபோது, காலை 9 மணி முதல் அக்குழந்தை அதன் பாட்டியின் பராமரிப்பில் இருந்துள்ளது.
சுமார் மதியம் 2.30 மணியளவில், பாட்டி சமைத்துக் கொண்டும் துணிகளை உலர்த்திக் கொண்டும் இருந்தபோது, குழந்தை தொட்டிலில் தூங்க விடப்பட்டது.
அதற்குப் பிறகு சிறிது நேரத்தில், குழந்தை தொட்டிலில் இல்லை என்பதை பாட்டி உணர்ந்தார். தேடுதலுக்குப் பிறகு, வீட்டின் பின்புறத்தில் சோப்பு நீர் இருந்த ஒரு வாளியில் குழந்தை முகம் குப்புறக் கிடப்பதைக் கண்டதாக அவர் ஒரு அறிக்கையில் கூறினார்.
குழந்தை அருகிலுள்ள ஒரு மருத்துவமனைக்கு அவசரமாகக் கொண்டு செல்லப்பட்டதாகவும், பின்னர் சிரம்பானில் உள்ள துவாங்கு ஜாஃபர் மருத்துவமனைக்கு அனுப்பப்பட்டதாகவும் யதிம் கூறினார். மாலை 4.30 மணிக்கு ஒரு மருத்துவ அதிகாரியால் குழந்தை இறந்துவிட்டதாக அறிவிக்கப்பட்டது.
இன்று அதிகாலை 1 மணிக்கு பிரேதப் பரிசோதனை நடத்தப்பட்டது. ஆய்வக அறிக்கை வரும் வரை மரணத்திற்கான காரணம் இன்னும் விசாரணையில் உள்ளதுஎன்று அவர் கூறினார்.
குழந்தை புறக்கணிப்புக்காக, இந்த வழக்கு 2001 ஆம் ஆண்டின் குழந்தைகள் சட்டத்தின் பிரிவு 31(1)(a)-ன் கீழ் விசாரிக்கப்பட்டு வருகிறது!
Leave a Reply
Your email address will not be published. Required fields are marked *
தேடல்
செய்தி வகை
