அமெரிக்கா–இஸ்ரேல் தாக்குதல்: தெஹ்ரான் பகுதியில் குறைந்தது 13 பேர் உயிரிழப்பு
- Surendran Sumdraraj
- 06 Apr, 2026
இஸ்தான்புல், ஏப். 6-
ஈரானின் தெஹ்ரான் மாகாணத்தில் அமைந்துள்ள பஹாரெஸ்தான் பகுதியில், அமெரிக்கா மற்றும் இஸ்ரேல் இணைந்து மேற்கொண்ட தாக்குதலில் குறைந்தது 13 பேர் உயிரிழந்ததாக தகவல்கள் வெளியாகியுள்ளன.
காளே மிர் நகரில் உள்ள இரண்டு குடியிருப்பு கட்டிடங்கள் மீது தாக்குதல் நடத்தப்பட்டதாக தெரிவிக்கப்பட்டுள்ளது.
இதுகுறித்து பஹாரெஸ்தான் ஆளுநர், இந்த தாக்குதலில் பலர் உயிரிழந்ததுடன், பலர் காயமடைந்திருக்கலாம் என்று கூறினார். தற்போது இடிபாடுகளை அகற்றும் பணிகள் மற்றும் உயிர் பிழைத்தவர்களை தேடும் மீட்பு நடவடிக்கைகள் தீவிரமாக நடைபெற்று வருகின்றன.
மேலும், இந்த தாக்குதலின் போது தெஹ்ரான் நகரில் நள்ளிரவு நேரத்தில் பலத்த வெடிப்பு சத்தங்கள் கேட்கப்பட்டதாகவும் உள்ளூர் மக்கள் தெரிவித்துள்ளனர்.
இந்த சம்பவம் பிராந்தியத்தில் பதற்றத்தை அதிகரித்துள்ளதுடன், சர்வதேச மட்டத்தில் கவலைகளையும் எழுப்பியுள்ளது.
Leave a Reply
Your email address will not be published. Required fields are marked *
தேடல்
செய்தி வகை
