• Muthu Kumar
• 18 Jan, 2025

உலு லங்காட், ஜன. 18-

சுங்கை சுவா சுகாதார கிளினிக்கில் படிக்கட்டுகள், நடைபாதைகள் அமைப்பதற்காக பாங்கி நாடாளுமன்றத்திற்கு
மொத்தம் வெ.101,512 ஒதுக்கீடு செய்யப்பட்டது.மக்களுக்கு உகந்த திட்டத்தின் வழி பெறப்பட்ட நிதி ஒதுக்கீட்டின் மூலம் தினமும் கிளினிக்கிற்கு வருபவர்கள் சுமார் 700 பேர் பயனடைந்ததாகப் பாங்கி நாடாளுமன்ற உறுப்பினர் சயரெட்சன் ஜோஹன் கூறினார்.

இது 2024 ஆம் ஆண்டிற்கான மிகப்பெரிய திட்டங்களில் ஒன்றாகும்.கடந்த ஆண்டில் சுகாதார கிளினிக்குகளில் வசதிகளை மேம்படுத்துவதற்காக பாங்கி நாடாளுமன்றத்திற்கு மொத்தம் வெ. 200,000 ஒதுக்கப்பட்டது. இதில் பாங்கி சுகாதார கிளினிக், சுங்கை சிகாமட் ஹெல்த் கிளினிக் ஆகியவையும் அடங்கும்.

"பாங்கி சுகாதார கிளினிக்கில், வாகனம் நிறுத்தும் இடத்தை மேம்படுத்துவதற்கு சுமார் வெ. 50,000 ஒதுக்கப்பட்டுள்ளது. அதே சமயம் சுங்கை சிகாமட் கிளினிக்கிலும் உபகரணங்கள் வாங்குவதற்கு வெ.50,000 வழங்கப்பட்டது என்று அவர் கூறினார்.