இரு மகள்களுக்கு பாலியல் துன்புறுத்தல்! லாரி ஓட்டுநர் மீது 21 குற்றச்சாட்டுகள்

Shan Siva
06 Aug, 2026

ஈப்போ, ஆக 6: ஈப்போ அமர்வு நீதிமன்றத்தில், 13 மற்றும் 16 வயதுடைய தனது இரண்டு இளம் மகள்களை பாலியல் ரீதியாகத் துன்புறுத்தியதாக ஒரு லாரி ஓட்டுநர் மீது 21 குற்றச்சாட்டுகள் பதிவு செய்யப்பட்டுள்ளன.

குழந்தைகளுக்கு எதிரான பாலியல் குற்றங்கள் சட்டம் 2017-இன் 14(a), 14(b) மற்றும் 14(d) பிரிவுகளின் கீழ் சுமத்தப்பட்ட குற்றச்சாட்டுகள், இன்று அமர்வு நீதிமன்ற நீதிபதி ஜீன் ஷர்மிலா ஜேசுதாசன் முன்னிலையில் வாசிக்கப்பட்டதைத் தொடர்ந்து, 41 வயதான அந்த நபர் விசாரணை கோரினார்.

குற்றம் சாட்டப்பட்டவர், ஏப்ரல் முதல் ஜூலை 2026 வரை, ஸ்ரீ இஸ்கண்டாரில் உள்ள இஸ்கண்டார் பெர்டானாவில் உள்ள ஒரு வீட்டில் இந்தக் குற்றங்களைச் செய்ததாகக் கூறப்படுகிறது.

இந்நிலையில், நீதிபதி ஜீன் ஷர்மிலா, 21 குற்றச்சாட்டுகளுக்கும் சேர்த்து ஒரு நபர் உத்தரவாதத்துடன் RM15,750 ஜாமீன் வழங்கினார்.

ஆவணங்களைச் சமர்ப்பிப்பதற்கும் வழக்கறிஞரை நியமிப்பதற்கும் இந்த வழக்கு செப்டம்பர் 14 அன்று விசாரணைக்கு எடுத்துக்கொள்ளப்படும் என நிர்ணயிக்கப்பட்டுள்ளது!

Your email address will not be published. Required fields are marked *

முக்கிய செய்தி