கார் மோதி 71 வயது முதியவர் மரணம்! - பாயான் லெபாஸில் சாலையைக் கடந்து செல்கையில் துயரம்
- Shan Siva
- 02 Apr, 2026
பாயான் லெபாஸ், ஏப் 2: நேற்று பாயான் லெபாஸில் கார் மோதியதில்
71 வயது முதியவர் ஒருவர்
உயிரிழந்தார்.
நேற்று பிற்பகல் 2.55 மணிக்கு நடந்த இந்தச் சம்பவத்தில், பாயான் லெபாஸ் அருகில் ஜாலான் துன் டாக்டர்
அவாங் சாலையைக் கடக்கும்போது பாதிக்கப்பட்டவர் மீது கார் மோதியது.
பாயான் லெபாஸிலிருந்து ஜார்ஜ்
டவுன் நோக்கிச் சென்று கொண்டிருந்த 19 வயது இளைஞர் ஒருவர் காரை ஓட்டி வந்ததாக வடகிழக்கு மாவட்ட துணை கண்காணிப்பாளர்
லீ ஸ்வீ சாகே தெரிவித்தார்.
பாதிக்கப்பட்டவருக்கு
பலத்த காயம் ஏற்பட்டது, அவர் சிகிச்சைக்காக
பினாங்கு மருத்துவமனைக்கு கொண்டு செல்லப்பட்டார்.
இந்நிலையில் இன்று அதிகாலை 12.05 மணிக்கு அவர் இறந்துவிட்டதாக
அறிவிக்கப்பட்டார் என்று அவர் ஒரு அறிக்கையில் தெரிவித்தார்.
இந்த சம்பவத்தில்
ஓட்டுநருக்கு காயம் ஏற்படவில்லை என்றும், விசாரணைகள் நடைபெற்று வருவதாகவும் லீ கூறினார்.
இந்த சம்பவத்தின் 13 வினாடி காணொளி ஒன்று வைரலாகியுள்ளது.
அந்தக் காணொளியில்,
அந்த நபர் சாலையைக் கடந்து கிட்டத்தட்ட பாதி
தூரத்தை அடைவதற்குள் வாகனம் மோதியது காட்டப்படுகிறது. மோதலின் தாக்கத்தால் அவர்
தூக்கி வீசப்படுவது பதிவாகியுள்ளது!
Leave a Reply
Your email address will not be published. Required fields are marked *
தேடல்
செய்தி வகை
