மடானி அரசு இந்திய சமூகத்திற்கு எதையும் செய்யவில்லையா? - குற்றச்சாட்டு உண்மையல்ல

top-news

சிரம்பான், ஜூலை 30-

 "மடானி அரசு இந்திய சமூகத்திற்கு எதையும் செய்யவில்லை" என்ற குற்றச்சாட்டு உண்மையல்ல என்று கல்வி அமைச்சர் படீலினா சிடேக் தெரிவித்துள்ளார். சிரம்பானில் நடைபெற்ற மக்கள் சந்திப்பு நிகழ்ச்சியில் பேசிய அவர், அரசின் செயல்பாடுகளை விமர்சனங்களின் அடிப்படையில் அல்ல, உண்மையான சாதனைகளின் அடிப்படையில் மதிப்பிட வேண்டும் என்றார்.

சுவா சட்டமன்றத் தொகுதியில் போட்டியிடும் பக்காத்தான் ஹராப்பான் வேட்பாளர் இயூ பூன் லாய்க்கு ஆதரவு தெரிவிக்கும் நிகழ்ச்சியில் கலந்து கொண்ட அமைச்சர், இந்திய சமூகத்தின் கல்வி முன்னேற்றத்திற்காக அரசு பல முக்கிய நடவடிக்கைகளை மேற்கொண்டுள்ளதாகக் குறிப்பிட்டார்.

அவற்றில் முக்கியமாக, எஸ்பிஎம் (SPM) தேர்வில் 10A பெற்ற அனைத்து மாணவர்களுக்கும் இனம், மதம், பின்னணி பாராமல் மெட்ரிகுலேஷன் (Matrikulasi) படிப்பில் தானாகவே இடம் வழங்கப்படும் புதிய நடைமுறை அறிமுகப்படுத்தப்பட்டுள்ளதாக அவர் தெரிவித்தார். இது திறமையான மாணவர்களுக்கு உயர்கல்வி வாய்ப்பை உறுதி செய்யும் முக்கிய மாற்றமாகும் என்றார்.

மேலும், நெகிரி செம்பிலானில் உள்ள லாடாங் சாகா தமிழ்ப்பள்ளி தொடர்பான நீண்டகால பிரச்சினைகளும் தீர்க்கப்பட்டதாக அவர் கூறினார். பல ஆண்டுகளாக கட்டப்பட்டிருந்த பள்ளிக் கட்டடம் பயன்படுத்தப்படாமல் இருந்த நிலையில், 2024 செப்டம்பரில் பாதுகாப்பு தொடர்பான அனைத்து சிக்கல்களும் தீர்க்கப்பட்டு மாணவர்களின் பயன்பாட்டிற்குத் திறக்கப்பட்டது என்றும் கல்வி அமைச்சர் தெரிவித்தார்.

இந்திய சமூகத்தின் முன்னேற்றம் வெறும் அரசியல் கோஷங்களால் அல்ல, உறுதியான திட்டங்கள் மற்றும் தொடர்ச்சியான செயல்பாடுகளால் மட்டுமே சாத்தியம் என்பதில் பக்காத்தான் ஹராப்பான் அரசு உறுதியாக இருப்பதாகவும் அமைச்சர் வலியுறுத்தினார்.

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்