ரஃபிஸி அரசியலில் இருந்து விலக வேண்டும்! தலைநகரில் போராட்டம்
- Shan Siva
- 11 Apr, 2026
கோலாலம்பூர், ஏப் 11: பொருளாதாரத்துறை முன்னாள் அமைச்சர் ரஃபிஸி ரம்லி அரசியலில் இருந்து விலக வேண்டும் என்று கோரி, அவர் நிறுவிய நிறுவனத்தின் முன்பாக நேற்று ஒரு குழுவினர் போராட்டம் நடத்தி, ஒரு மனுவைச் சமர்ப்பித்தனர்.
சுங்கை பீசியில் உள்ள இன்வோக் சொல்யூஷன்ஸ் நிறுவனத்தின் அலுவலகத்திற்கு வெளியே செய்தியாளர்களிடம் பேசிய அக்குழுவின் செய்தித் தொடர்பாளர் ஃபைசான் நூர், ரஃபிஸியின் தொடர்ச்சியான அரசாங்க விமர்சனங்கள் நாட்டின் அரசியல் மற்றும் பொருளாதார நிலைத்தன்மையைச் சீர்குலைப்பதாகக் கூறினார்.
பண்டான் நாடாளுமன்ற உறுப்பினரின் உதவியாளரிடம் மனுவைச் சமர்ப்பித்த பிறகு ஃபைசான், .ரஃபிஸி தனது சொல்லாடல்களை நிறுத்த வேண்டும், ஏனெனில் அது பொதுமக்களைக் குழப்புகிறது என்றார்.
நாட்டின் அரசியல் களத்தில் தொடரும் நிச்சயமற்ற தன்மையைத் தடுக்க அவர் அரசியலில் இருந்து விலக வேண்டும் என்று அவர் வலியுறுத்தினார்.
மேலும், முன்னாள் பி.கே.ஆர் துணைத் தலைவரான ரஃபிஸி, பொருளாதார அமைச்சராக இருந்த காலத்தில் தோல்வியடைந்தார் என்றும் ஃபைசான் கூறினார்.
அவர் பொருளாதார அமைச்சராகத் தனது கடமையைச் செய்யத் தவறினார், GE15 தேர்தல் அறிக்கையில் உள்ள வாக்குறுதிகளை நிறைவேற்றத் தவறினார், மேலும் தானியங்கி விற்பனை இயந்திரத் திட்டம் மற்றும் மத்திய தரவுத்தள மையம் (Padu) அமைப்பு உள்ளிட்ட சில திட்டங்களைச் செயல்படுத்துவதில் பலவீனங்களைக் காட்டினார் என்று அவர் கூறினார்.
மாறாக, தற்போதைய உலகளாவிய எரிசக்தி நெருக்கடிக்கு மத்தியில் பொருளாதாரத்தை வலுப்படுத்தும் முயற்சிகளில் ரஃபிஸி கவனம் செலுத்த வேண்டும் என்றும் அவர் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
