சட்டசபைக்குத் தனித்தனியாக வந்த அதிமுக எம்.எல்.ஏ.க்கள்
- Surendran Sumdraraj
- 11 May, 2026
தமிழக அரசியலில் தொடர்ந்து பரபரப்பான சூழ்நிலை நிலவி வரும் நிலையில், இன்று தொடங்கிய 17-ஆவது தமிழக சட்டசபை கூட்டத் தொடருக்கு அ.தி.மு.க. எம்.எல்.ஏ.க்கள் தனித்தனியாக வருகை தந்தது அரசியல் வட்டாரங்களில் பெரும் கவனத்தை ஈர்த்துள்ளது.
சென்னையில் இன்று காலை நடைபெற்ற சட்டசபை கூட்டத்தில், புதிதாக தேர்வு செய்யப்பட்ட உறுப்பினர்களுக்கு தற்காலிக சபாநாயகர் கருப்பையா பதவிப்பிரமாணம் செய்து வைத்தார். இந்த கூட்டத்தில் அ.தி.மு.க. பொதுச்செயலாளர் Edappadi K. Palaniswami தனது ஆதரவு எம்.எல்.ஏ.க்கள் 5 பேருடன் முதலில் சட்டசபைக்கு வந்தார். பின்னர் எஸ்.பி. வேலுமணி தலைமையில் மற்றொரு குழுவாக அ.தி.மு.க. எம்.எல்.ஏ.க்கள் வருகை தந்தனர்.
அ.தி.மு.க. தலைமைப் பதவியைச் சுற்றி கட்சிக்குள் கருத்து வேறுபாடுகள் நிலவுவதாக அரசியல் வட்டாரங்களில் தகவல்கள் பரவி வரும் நிலையில், இந்த தனித்தனி வருகை மேலும் பரபரப்பை ஏற்படுத்தியுள்ளது. இருப்பினும், “எம்.எல்.ஏ.க்களுக்குள் எந்த பிளவும் இல்லை” என்று அ.தி.மு.க. தரப்பு சமீபத்தில் விளக்கம் அளித்திருந்தது.
Leave a Reply
Your email address will not be published. Required fields are marked *
தேடல்
செய்தி வகை
