பெர்சத்து கணக்கு முடக்கம் விவகாரம்: SPRM தாமதம் செய்ததற்கான ஆதாரம் இல்லை – உயர்நீதிமன்றம்
- Tamil Malar (Reporter)
- 13 Feb, 2026
கோலாலம்பூர், பிப். 13-
பெர்சத்து கட்சியின் இரண்டு வங்கி கணக்குகள் தொடர்பான முடக்க உத்தரவைத் திருத்தக் கோரி தாக்கல் செய்யப்பட்ட மனுவில், மலேசிய ஊழல் தடுப்பு ஆணையம் (SPRM) பதிலளிக்க திட்டமிட்டு தாமதம் செய்ததாக நிரூபிக்கும் எந்த ஆதாரமும் இல்லை என்று உயர்நீதிமன்றத்தில் இன்று தெரிவிக்கப்பட்டது.
மலேசிய அரசு மற்றும் SPRM தரப்பை பிரதிநிதித்துவப்படுத்திய மூத்த வழக்கறிஞர் நூர்ஹபீசா அஸீசான், SPRM வேண்டுமென்றே காலதாமதம் செய்து BERSATU-க்கு பாதிப்பு ஏற்படுத்த முயன்றதாக காட்டும் சாட்சியங்கள் இல்லை என்று வாதிட்டார். மேலும், கணக்குகள் விசாரணையின் பொருளாக இருப்பதால் அவற்றை உடனடியாக விடுவிக்க முடியாது என்ற நிலைப்பாட்டை ஆணையம் முன்பே எடுத்துள்ளதாக கூறினார்.
அவர் விளக்கத்தில், BERSATU தனது முதல் விண்ணப்பத்தை 27 ஜனவரி 2023 அன்று, இரண்டாவது விண்ணப்பத்தை 31 மார்ச் 2023 அன்று தாக்கல் செய்ததாகத் தெரிவித்தார். அந்த இரு விண்ணப்பங்களுக்கும், கணக்குகள் SPRM விசாரணைக்கு உட்பட்டவை என்பதால் நிராகரிக்கப்படுவதாக அறிவிக்கப்பட்டது.
இதற்கிடையில், 1 மார்ச் 2023 அன்று தாக்கல் செய்யப்பட்ட மூன்றாவது விண்ணப்பத்திற்கு SPRM அதே நாளிலேயே பதிலளித்ததாகவும் அவர் குறிப்பிட்டார். இந்த விவகாரத்தில் நீதிமன்ற விசாரணை தொடர்கிறது.
Leave a Reply
Your email address will not be published. Required fields are marked *
தேடல்
செய்தி வகை
