• Shan Siva
• 07 Feb, 2025

கோலாலம்பூர்,  பிப் 7: காசா பகுதியில் இருந்து பாலஸ்தீன மக்களைக் கைப்பற்றி வெளியேற்ற நினைக்கும் அமெரிக்க அதிபர் டொனால்ட் டிரம்பின் முன்மொழிவு ஏற்றுக்கொள்ள முடியாதது என்றும், மலேசியாவும் உலகமும் இதைக் கண்டிக்க வேண்டும் என்றும் முன்னாள் பிரதமர் டத்தோஸ்ரீ இஸ்மாயில் சப்ரி அறிவுறுத்தியுள்ளார்.

ஆயுதங்களைப் பயன்படுத்தாமலோ அல்லது போரையோ பயன்படுத்தாமல் இன அழிப்பு நடவடிக்கையை மேற்கொள்வதற்கான ஒரு முயற்சி இது என்பது தெளிவாகத் தெரிவதால், இது ஒரு பகுத்தறிவற்ற நடவடிக்கை என்று இஸ்மாயில் ஓர் அறிக்கையில் கூறினார்.

1950 களில் இருந்து கிழக்கு ஜெருசலேமில் இருந்து இஸ்ரேல் பாலஸ்தீனியர்களை கட்டாயமாக வெளியேற்றியதிலிருந்தும், மேற்குக் கரை, கிழக்கு ஜெருசலேம் மற்றும் காசா பகுதி உட்பட மீதமுள்ள பாலஸ்தீனிய நிலம் கைப்பற்றப்பட்ட 1967 போரின் போதும் டிரம்பின் நிலைப்பாடும் நடவடிக்கைகளும் வேறுபட்டவை அல்ல என்று அப்வர் விவரித்துள்ளார்.

டிரம்ப் மற்றும் அவரது கூட்டாளியான பெஞ்சமின் நெதன்யாகுவின் பைத்தியக்காரத்தனம் உடனடியாக நிறுத்தப்பட வேண்டும். அவர்களின் நடவடிக்கைகள் ஏற்கனவே சர்வதேச சட்டத்தை மீறியுள்ளன என்று இஸ்மாயில் சாடினார்.

இது ஒரு மனிதாபிமானப் பிரச்சினை - பாலஸ்தீனியர்கள் தங்கள் சொந்த மண்ணிலேயே வெளியேற்றப்பட்டு கொல்லப்படுவதை நாம் இன்னும் எவ்வளவு காலம் பார்க்க வேண்டும்? என்று அவர் கேள்வி எழுப்பினார்.

மத்திய கிழக்கில் அமைதியை நிலைநாட்டுவதாகக் கூறிக் கொள்ளும், மனித உரிமைகளுக்காக அடிக்கடி வாதிடும் அமெரிக்கா, இப்போது காசா மக்களை வெளியேற்ற தீவிரமாக முயல்வது வெட்கக்கேடானது என்று இஸ்மாயில் கூறினார்.

மாறாக, நீண்டகாலப் போரினால் பாதிக்கப்பட்ட பாலஸ்தீனத்தில் மருத்துவமனைகள் மற்றும் பள்ளிகள் போன்ற அடிப்படை உள்கட்டமைப்பை மீண்டும் கட்டியெழுப்ப அமெரிக்க நிர்வாகம் நிதி மற்றும் உதவிகளை வழங்க வேண்டும்.

உலகம், குறிப்பாக முஸ்லிம் நாடுகள், இந்த பைத்தியக்காரத்தனத்திற்கு எதிராக எழுந்து நிற்க வேண்டும். இந்தப் பிரச்சினைக்கு ஒரே ஒரு நிரந்தர தீர்வுதான் உள்ளது - பாலஸ்தீன மக்களுக்கு அவர்களின் உரிமைகளை வழங்குவதுதான் அது. பாலஸ்தீனத்தை உலக வரைபடத்திலிருந்து மறைந்து போக விடாதீர்கள் என்று அவர் கூறினார்.