சிங்கப்பூரில் மலேசியப் பிரதமர்!
- Shan Siva
- 04 Dec, 2025
சிங்கப்பூர். டிச 4:
12வது சிங்கப்பூர்-மலேசியத் தலைவர்கள் சந்திப்பு தொடர்பாக பிரதமர் டத்தோஸ்ரீ அன்வார்
இப்ராஹிம் சிங்கப்பூர் வந்தடைந்தார். இரு நாடுகளுக்கும் இடையிலான இராஜதந்திர
உறவுகளின் 60 ஆண்டுகளைக் கொண்டாடும் இந்நிகழ்ச்சி ஒரு மைல்கலாக அமையும் என
எதிர்பார்க்கப்படுகிறது.
நிதியமைச்சராகவும்
இருக்கும் அன்வாரை, சிங்கப்பூர் நிதியமைச்சர் லாரன்ஸ் வோங்
வரவேற்றார்.
இரு தலைவர்களும்
இருதரப்பு முன்னேற்றத்தை மதிப்பாய்வு செய்யவும், ஒத்துழைப்பின் புதிய
பகுதிகளை அடையாளம் காணவும், அண்டை நாடுகளின் கூட்டாண்மையின் அடுத்த கட்டம்
குறித்தும் பேசுவதற்கான சந்திப்பாக இது அமைந்தது.
சமூகங்களை வலுப்படுத்துவதையும், அரசு நிறுவனங்களுக்கு இடையேயான ஒத்துழைப்பை மேம்படுத்துவதையும் நோக்கமாகக்
கொண்ட நடவடிக்கைகளுடன், சுகாதார ஒத்துழைப்பு மற்றும் போதைப்பொருள்
துஷ்பிரயோகத்தை எதிர்கொள்வதற்கான கூட்டு முயற்சிகள் குறித்த புரிந்துணர்வு
ஒப்பந்தங்கள் குறித்தும் கையெழுத்தாகிறது என்று தெரிவிக்கப்பட்டுள்ளது.
மலேசியாவும்
சிங்கப்பூரும் தொடர்ந்து வலுவான மற்றும் பன்முக ஒத்துழைப்பை அனுபவித்து வருகின்றன, சிங்கப்பூர் மலேசியாவின் இரண்டாவது பெரிய வர்த்தக பங்காளியாக உள்ளது.
இந்த ஆண்டு ஜனவரி முதல் அக்டோபர்
வரை இருதரப்பு வர்த்தகம் US$78.70 பில்லியனை (RM339.39 பில்லியன்) எட்டியது,
இது மலேசியாவின் மொத்த
வர்த்தகத்தில் 13.5 சதவீதம் என்பது குறிப்பிடத்தக்கது!
Leave a Reply
Your email address will not be published. Required fields are marked *
தேடல்
செய்தி வகை
