• Shan Siva
• 30 Nov, 2024

குவா மூசாங், நவம்பர் 30: ஜலான் குவா மூசாங்-ஜெலி சாலையில்  நேற்றிரவு 15 மீட்டர் நீளத்திற்கு நிலம் சரிந்ததைத் தொடர்ந்து ஜெலவாங்கை நோக்கிச் செல்லும் கம்போங் ஜெரெக் அருகே KM 35 இல் சாலை மூடப்பட்டுள்ளது.

நேற்று பிற்பகல் முதல் தொடர்ந்து மழை பெய்து வருவதால் இந்தச் சம்பவம் நிகழ்ந்திருக்கலாம் என்று குவா மூசாங் மாவட்ட காவல்துறைத் தலைவர் சுப்ட் சிக் சூன் ஃபூ தெரிவித்தார்.

பொதுப்பணித் துறை (ஜேகேஆர்) நேற்று இரவு கண்காணிப்பு மற்றும் மதிப்பீடுகளை நடத்தியது, இதன் விளைவாக சாலை மூடப்பட்டது.

நிலத்தடி நீர் இயக்கம் குறித்து கண்காணித்து வருவதாகவும், சாலை பயன்படுத்துவதற்கு பாதுகாப்பானதா என்பதை தீர்மானிக்க JKR இன் மதிப்பீட்டிற்காக காத்திருப்பதாகவும்  என்று அவர் இன்று தெரிவித்தார்.

மேலும், குவா மூசாங் செல்ல ஜாலான் ஜெலவாங்-சுங்கை சாம் வழியாக மாற்றுப் பாதையில் செல்லும்படி சாலைப் பயணிகளுக்கு  அவர் அறிவுறுத்தினார்.