பெந்தோங் சென்ட்ரல் ஸ்பைன் சாலையில் விபத்து! 19 வயது மாணவி பலி
- Shan Siva
- 19 Jan, 2026
கோலாலம்பூர், ஜன 19: பகாங், பெந்தோங்கில் உள்ள சென்ட்ரல் ஸ்பைன் சாலையில் நேற்று இரவு
இரண்டு வாகனங்கள் மோதிய விபத்தில் 19 வயது மாணவி ஒருவர் காரில் இருந்து தூக்கி வீசப்பட்டு உயிரிழந்தார்.
ரவுப் நோக்கிச் செல்லும்
சாலையின் 19.4 கி.மீட்டரில் ந்இரவு 7.25 மணியளவில் இந்த விபத்து நிகழ்ந்ததாக பெந்தோங்
காவல்துறைத் தலைவர் ஜைஹாம் கஹார், தெரிவித்தார்.
கோலாலம்பூரிலிருந்து ரவூப்
நோக்கிச் சென்ற கார் கட்டுப்பாட்டை இழந்து, சாலையோர கால்வாயில் சறுக்கி, எதிர் திசையில் சுழன்றது முதற்கட்ட விசாரணையில்
கண்டறியப்பட்டது என்று அவர் இன்று ஒரு அறிக்கையில் தெரிவித்தார்.
இதன் விளைவாக, 19 வயது பெண் பயணி ஒருவர் வாகனத்திலிருந்து
தூக்கி வீசப்பட்டு தலையில் ஏற்பட்ட காயம் காரணமாக சம்பவ இடத்திலேயே இறந்தார்.
ஓட்டுநர் மற்றும் பயணி
இருவரும் உயர்கல்வி நிறுவனத்தில் படிக்கும் மாணவர்கள் என்று ஜைஹாம் கூறினார்.
அதே திசையில் பயணித்த ஒரு
MPV வாகனமும் கட்டுப்பாட்டை
இழந்து, ஒரு தடுப்புச் சுவரில்
மோதி, கார் மீது மோதியதாக அவர்
கூறினார்.
வாகனங்களைத் தவிர்க்க
முயன்றபோது, சம்பவ இடத்திலிருந்து
சுமார் 30 மீட்டர் தொலைவில் உள்ள
ஒரு கான்கிரீட் கால்வாயில் பிக்அப் லாரி மோதியது.
MPV மற்றும் பிக்அப் லாரியில்
இருந்தவர்களுக்கு லேசான காயம் ஏற்பட்டது. அப்போது மழை பெய்து கொண்டிருந்ததாக
ஜைஹாம் கூறினார். இது தொடர்பாக விசாரணை நடைபெற்றதாக அவர் கூறினார்!
Leave a Reply
Your email address will not be published. Required fields are marked *
தேடல்
செய்தி வகை
