அனக் கிரகத்தாவு எரிமலை சாம்பல் மலேசியாவை அடையும் வாய்ப்பு குறைவு – வானிலை ஆய்வு மையம்
- Surendran Sumdraraj
- 08 Sep, 2026
கோலாலம்பூர், செப். 8 –
இந்தோனேசியாவின் அனக் கிரகத்தாவு எரிமலை வெடிப்பினால் வெளியேறும் எரிமலை சாம்பல் மலேசியாவை அடையும் வாய்ப்பு தற்போது குறைவாக இருப்பதாக மலேசிய வானிலை ஆய்வு மையம் தெரிவித்துள்ளது.
எனினும், காற்றின் திசை மற்றும் வேகத்தில் ஏற்படும் மாற்றங்கள், மேலும் எரிமலை மீண்டும் வெடிக்கும் சாத்தியம் ஆகியவை சாம்பல் மலேசியாவை நோக்கி நகர்வதில் தாக்கத்தை ஏற்படுத்தக்கூடும் என்று அதன் தலைமை இயக்குநர் டாக்டர் முகமது ஹிஷாம் முகமது அனிப் தெரிவித்தார்.
தற்போதைய காற்றின் திசை, வேகம் மற்றும் எரிமலை சாம்பலின் நகர்வை அடிப்படையாகக் கொண்டு மேற்கொள்ளப்பட்ட ஆய்வின்படி, அது மலேசியாவை அடைவதற்கான சாத்தியம் மிகவும் குறைவாக இருப்பதாக அவர் கூறினார்.
தற்போது எரிமலை சாம்பல் பெரும்பாலும் சுந்தா நீரிணை மற்றும் இந்தோனேசியாவின் அதனைச் சுற்றியுள்ள பகுதிகளிலேயே பரவி வருவதாக தெரிவிக்கப்பட்டுள்ளது.
இருப்பினும், வானிலை நிலைமை எப்போது வேண்டுமானாலும் மாறக்கூடும் என்பதால் தொடர்ந்து கண்காணிப்பு அவசியம் என்றும் வானிலை ஆய்வு மையம் தெரிவித்துள்ளது.
Leave a Reply
Your email address will not be published. Required fields are marked *
தேடல்
செய்தி வகை
