• Shan Siva
• 01 Jan, 2025

கோலாலம்பூர், ஜன 1: WeChat மற்றும் TikTok ஆகியவை இணையச் செய்தி சேவை மற்றும் சமூக ஊடக சேவை வழங்குநர்களுக்கு புதிதாக அறிமுகப்படுத்தப்பட்ட உரிமத் தேவைகளின் கீழ் மலேசியாவில் இயங்குவதற்கான உரிமங்களை வெற்றிகரமாகப் பெற்றுள்ளன.

 கடந்த ஜூலை 27 ஆம் தேதி, மலேசியாவில் குறைந்தது எட்டு மில்லியன் பதிவு செய்யப்பட்ட பயனர்களைக் கொண்ட அனைத்து சமூக ஊடகங்கள் மற்றும் செய்தியிடல் சேவை தளங்கள் ஜனவரி 1, 2025 முதல் உரிமம் பெற்றிருக்க வேண்டும் என்று மலேசிய தகவல் தொடர்பு மற்றும் பல்லூடக ஆணையமான MCMC கூறியது குறிப்பிடத்தக்கது.

ஃபேஸ்புக், இன்ஸ்டாகிராம் மற்றும் வாட்ஸ்அப்பை மேற்பார்வையிடும் டெலிகிராம் மற்றும் மெட்டா - உரிமத்தைப் பெறுவதற்கான செயல்முறையைத் தொடங்கியுள்ளன. இது விரைவில் முடிவடையும் என்று எதிர்பார்க்கப்படுகிறது.