இந்தோனேசியா வெளியிட்டதைப்போல், KLIA வில் நடத்தப்பட்ட சிசிடிவி காட்சிகளை வெளியிடுங்கள்! DAP நாடாளுமன்ற உறுப்பினர் வலியுறுத்து
- Shan Siva
- 04 Aug, 2026
கோலாலம்பூர், ஆக 4: இந்தோனேசியாவிற்குள் போதைப்பொருள் கடத்தியதாகக்
கூறப்படும் குற்றச்சாட்டில் கைது செய்யப்பட்ட மலேசிய விமானி மீது கே.எல்.ஐ.ஏ-வில் நடத்தப்பட்ட
சோதனையின் சிசிடிவி காட்சிகளை வெளியிடுமாறு கெப்போங் நாடாளுமன்ற உறுப்பினர் லிம்
லிப் எங் அதிகாரிகளை வலியுறுத்தியுள்ளார்.
25 கிலோ எக்ஸ்டஸி
மாத்திரைகள் மற்றும் 2.7 கிராம் மெத்தாம்பெர்த்தமைன்
ஆகியவற்றை வைத்திருந்ததாகக் கூறப்படும் குற்றச்சாட்டில் கைது செய்யப்பட்ட அந்த
விமானி, ஜூலை 29 அன்று ஜகார்த்தாவில் உள்ள சுகர்னோ-ஹத்தா
சர்வதேச விமான நிலையத்தில் சோதனை செய்யப்பட்டதைக் காட்டும் சிசிடிவி காட்சிகளை
இந்தோனேசியாவின் சுங்க மற்றும் கலால் பொது இயக்குநரகம் நேற்று வெளியிட்டது.
இந்நிலையில், கே.எல்.ஐ.ஏ-வில்
அந்த விமானி முறையான பாதுகாப்பு சோதனைகளுக்கு உட்படுத்தப்பட்டார் என்று மலேசிய
எல்லைக் கட்டுப்பாடு மற்றும் பாதுகாப்பு முகமை (AKPS) வலியுறுத்தியதை லிம் ஒரு அறிக்கையில் குறிப்பிட்டார்.
அனைத்து
பாதுகாப்பு நடைமுறைகளும் பின்பற்றப்பட்டிருந்தால், கே.எல்.ஐ.ஏ-வில் சந்தேக நபரின் சோதனை மற்றும் உடமைகள்
ஸ்கேன் செய்யப்பட்ட சிசிடிவி காட்சிகளை வெளியிடாமல் இருப்பதற்கு எந்தக் காரணமும்
இல்லை என்று டி.ஏ.பி நாடாளுமன்ற உறுப்பினருமான அவர் கூறினார்.
சம்பவத்தின்
பின்னணியைச் சிதைக்கக்கூடிய எந்தவிதமான திருத்தங்களும் இன்றி, தொடர்புடைய சிசிடிவி காட்சிகளை முழுமையாக உடனடியாக
வெளியிடுமாறு அதிகாரிகளை தாம் கேட்டுக்கொள்வதாக லிம் கோர் அறிக்கையில் கூறினார்.
வெளிப்படைத்தன்மை,
கே.எல்.ஐ.ஏ-வின் பாதுகாப்பு மீதான பொதுமக்களின்
நம்பிக்கையைப் பாதுகாக்கும். அந்தப் பதிவை வெளியிடுங்கள், மக்கள் அதைப் பார்த்துத் தாங்களாகவே தீர்மானிக்கட்டும் என்று அவர்
மேலும் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
