மெர்சிங் சாலை விபத்து! தம்பதியர் பலி
- Shan Siva
- 01 Jun, 2026
மெர்சிங், ஜூன் 1: நேற்று பிற்பகல் எண்டாவ்-மெர்சிங் சாலையில் மூன்று வாகனங்கள் சம்பந்தப்பட்ட விபத்தில் தம்பதியினர் உயிரிழந்தனர்.
மாலை சுமார் 5.10 மணியளவில் நிகழ்ந்த இந்த விபத்தில் பெரோடுவா மைவி, டொயோட்டா இன்னோவா மற்றும் ஓமோடா ஆகிய வாகனங்கள் சம்பந்தப்பட்டிருந்ததாக மாவட்ட காவல் துறைத் தலைவர் அப்துல் ரசாக் அப்துல்லா சானி தெரிவித்தார்.
பாசிர் கூடாங்கில் உள்ள தாமான் கோத்தா மாசாயைச் சேர்ந்த 24 வயதான ஃபிர்தாவுஸ் புஸ்தமான் மற்றும் 23 வயதான சித்தி நூர் ஐஸ்யா அனூர் பீட் பாப்ஜன் கஹார் ஆகியோரே உயிரிழந்தவர்கள் என்று அவர் கூறினார். அவர்கள் பலத்த காயமடைந்து சம்பவ இடத்திலேயே உயிரிழந்தனர்.
கனமழையின் போது, தம்பதியினரின் மைவி கார் எதிர் திசைப் பாதைக்குத் திரும்பி, ஒரு இன்னோவா மற்றும் ஓமோடா வாகனம் மீது மோதியதால் இந்த விபத்து ஏற்பட்டதாக நம்பப்படுகிறது என்று அவர் கூறினார்.
இன்னோவா ஓட்டுநருக்கு வலது கால்விரலில் எலும்பு முறிவு ஏற்பட்டதாகவும், அவரது மனைவிக்கு லேசான காயங்கள் ஏற்பட்டதாகவும், ஓமோடாவின் 75 வயது ஓட்டுநருக்கு எந்தக் காயமும் ஏற்படவில்லை என்றும் அப்துல் ரசாக் தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
