கெப்போங் உணவகத்தில் அடிதடி! முக்கிய நபர் கைது
- Shan Siva
- 12 May, 2026
கோலாலம்பூர், மே 12: ஜாலான் பெசார் கெப்போங்கில் உள்ள ஒரு உணவகத்தில் சாப்பிட்டுக் கொண்டிருந்தபோது, குடிபோதையில் இருந்ததாகக் கருதப்பட்ட மற்றொரு நபரை முறைத்துப் பார்த்ததாகக் கூறப்படும் குற்றச்சாட்டின் பேரில், ஒருவர் மற்ற மூன்று பேரால் தாக்கப்பட்டார்.
இது தொடர்பான வீடியோ வைரலானதை அடுத்து முக்கிய நபர் கைதுசெய்யப்பட்டுள்ளதாகத் தெரிபிக்கப்பட்டுள்ளது.
பாதிக்கப்பட்டவர் உணவகத்தில் ஒரு மேஜையில் அமர்ந்திருந்தபோது, குடிபோதையில் இருந்ததாகத் தோன்றிய ஒருவர் அவரை அணுகித் தாக்கினார்.
குற்றவாளியுடன் மேலும் இருவர் விரைவில் சேர்ந்துகொண்டனர்; அவர்கள் முதலில் தங்கள் நண்பரைத் தடுக்க முயன்றனர், ஆனால் சிறிது நேரத்திற்குப் பிறகு அவர்களுடன் சேர்ந்துகொண்டதாகத் தெரிகிறது. பாதிக்கப்பட்டவர் பல்வேறு பொருட்களால் தாக்கப்பட்டார்.
முக்கிய சந்தேக நபர் பாதிக்கப்பட்டவரைத் தொடர்ந்து தாக்கிக்கொண்டிருந்தபோது, அவரது இரண்டு நண்பர்கள் பின்னர் அவரைச் சமாதானப்படுத்த முயன்றனர், இதனால் பாதிக்கப்பட்டவர் தப்பிச் செல்ல முடிந்தது.
இதனை அடுத்து காவல் நிலையத் தலைவர் உதவி ஆணையர் பஸ்ரி சகோனி, முக்கிய சந்தேக நபர் கைது செய்யப்பட்டு, வியாழக்கிழமை வரை நீதிமன்றக் காவலில் வைக்க உத்தரவிடப்பட்டுள்ளதாகத் தெரிவித்தார்.
சந்தேக நபரும் பாதிக்கப்பட்டவரும் உணவகத்தில் சாப்பிட்டுக் கொண்டிருந்தனர். பாதிக்கப்பட்டவர் தன்னை முறைத்துப் பார்ப்பதாக சந்தேக நபர் கருதியதே இந்தச் சம்பவத்திற்குக் காரணம் என்று நம்பப்படுகிறது.
குடிபோதையில் இருந்த சந்தேக நபர், பாதிக்கப்பட்டவர் முறைத்துப் பார்த்ததால் எரிச்சலடைந்து அவரைத் தாக்கியதாக பஸ்ரி கூறினார்!
Leave a Reply
Your email address will not be published. Required fields are marked *
தேடல்
செய்தி வகை
