Shivarajkumar நடிக்கும் ‘Bail’ படத்தின் பர்ஸ்ட் லுக் டீசர் வெளியீடு

Surendran Sumdraraj
18 May, 2026

கன்னட திரையுலகின் முன்னணி நடிகரான Shivarajkumar நடித்துள்ள புதிய திரைப்படமான “Bail” படத்தின் பர்ஸ்ட் லுக் டீசர் வெளியாகி ரசிகர்களிடையே பெரும் வரவேற்பைப் பெற்றுள்ளது.

இயக்குநர் Pavan Wadeyar இயக்கும் இந்த திரைப்படம், ஆக்ஷன் மற்றும் நொயார் பாணியில் உருவாகி வருவதாகக் கூறப்படுகிறது. வெளியிடப்பட்ட டீசரில், மழையில் குடை பிடித்தபடி தீவிரமான தோற்றத்தில் நிற்கும் Shivarajkumar ரசிகர்களின் கவனத்தை ஈர்த்துள்ளார். சிவப்பு மற்றும் கருப்பு நிற பின்னணியுடன் உருவாக்கப்பட்டுள்ள இந்த டீசர் படத்தின் மர்மமான சூழலை வெளிப்படுத்துகிறது.

படக்குழுவின் தகவலின்படி, “Bail” திரைப்படத்தில் Shivarajkumar இதற்கு முன் நடித்திராத வித்தியாசமான கதாபாத்திரத்தில் தோன்றவுள்ளார். இந்த படம் அவரது ரசிகர்களுக்கு புதிய அனுபவமாக இருக்கும் என்று இயக்குநர் தெரிவித்துள்ளார்.

இந்த திரைப்படத்தை KVN Productions நிறுவனம் தயாரித்து வருகிறது. தற்போது படப்பிடிப்பு இறுதிக்கட்டத்தில் நடைபெற்று வருவதாகவும், தரம்சாலா பகுதியில் முக்கிய காட்சிகள் படமாக்கப்பட்டதாகவும் தகவல்கள் வெளியாகியுள்ளன.

Your email address will not be published. Required fields are marked *

முக்கிய செய்தி