ஹம்சா தலைமையிலான புதிய கட்சிக்கு PN வரவேற்பு – நடைமுறை அவசியம் என கெராகான்
- Surendran Sumdraraj
- 07 Apr, 2026
கோலாலம்பூர், ஏப். 7-
டத்தோ ஸ்ரீ ஹம்சா ஸைனுடின் தலைமையில் உருவாகவுள்ள புதிய கட்சி, ஒரே அரசியல் சிந்தனையைப் பகிர்ந்தால் பெரிகத்தான் நேஷனல் (PN) கூட்டணியில் சேரலாம் என Parti Gerakan Rakyat Malaysia (Gerakan) தெரிவித்துள்ளது.
அக்கட்சியின் தலைவர் டத்தோ டாக்டர் டொமினிக் லாவ் கூறுகையில், PN-இல் சேர விரும்பும் எந்தக் கட்சியும் வரவேற்கப்படுகிறது. ஆனால், அவை நிர்ணயிக்கப்பட்ட நடைமுறைகளையும் அரசியலமைப்புச் சட்டத்தையும் கடைப்பிடிக்க வேண்டும் என்றார்.
“PN-இல் இணைய விரும்பும் கட்சிகளை நாங்கள் வரவேற்கிறோம். ஆனால், அவை கட்டாயம் நடைமுறை மற்றும் அரசியலமைப்புச் சட்டத்தை பின்பற்ற வேண்டும்,” என்று அவர் தெரிவித்தார்.
இவ்வாறு அவர், இங்கு நடைபெற்ற கெராகான் கட்சியின் ஹரிராயா விருந்தில் கலந்து கொண்டபோது ஊடகங்களிடம் பேசினார்.
மேலும், Parti Pejuang Tanah Air (Pejuang) கட்சியின் விண்ணப்பம் தொடர்பாகவும் அவர் விளக்கம் அளித்தார். அந்தக் கட்சியின் விண்ணப்பம் தற்போது பரிசீலனையில் உள்ளதாகவும், உடனடியாக ஏற்கப்படவில்லை என்றும் தெரிவித்தார்.
“Pejuang கட்சி PN-இல் சேர விண்ணப்பித்துள்ளது. அதை நாங்கள் நிராகரிக்கவில்லை. ஆனால், அவர்களிடமிருந்து மேலும் விவரங்களை எதிர்பார்க்கிறோம். அதன் பிறகே இறுதி முடிவு எடுக்கப்படும்,” என்று டொமினிக் லாவ் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
