ஹாலண்ட் இரட்டை கோல்: டென்மார்க்கை 3-2 என வீழ்த்தியது நார்வே

Surendran Sumdraraj
25 Sep, 2026

ஒஸ்லோ, செப். 25-

யுஇஎப்ஏ நேஷன்ஸ் லீக் A4 பிரிவு ஆட்டத்தில் நட்சத்திர வீரர் எர்லிங் ஹாலண்ட் இரண்டு கோல்கள் அடித்து அசத்தியதால், நார்வே அணி 3-2 என்ற கோல் கணக்கில் டென்மார்க்கை வீழ்த்தி வெற்றியுடன் தனது பயணத்தைத் தொடங்கியது.

ஒஸ்லோவில் நடைபெற்ற விறுவிறுப்பான ஆட்டத்தின் 14-ஆவது நிமிடத்தில் ஆஸ்கர் பாப் கோல் அடித்து நார்வேக்கு முன்னிலை பெற்றுத் தந்தார். தொடர்ந்து 18-ஆவது நிமிடத்தில் ஹாலண்ட் கோல் அடிக்க, நார்வே 2-0 என முன்னிலை பெற்றது.

எனினும், டென்மார்க் அணியின் மிக்கேல் டாம்ஸ்கார்ட் 25-ஆவது நிமிடத்தில் கோல் அடித்து இடைவெளியைக் குறைத்தார். பின்னர் 60-ஆவது நிமிடத்தில் ராஸ்மஸ் ஹோய்லுண்ட் தலையால் கோல் அடித்து ஆட்டத்தை 2-2 என சமநிலைக்குக் கொண்டு வந்தார்.

ஆட்டம் சமநிலையில் முடியும் என எதிர்பார்க்கப்பட்ட நிலையில், 74-ஆவது நிமிடத்தில் அணித்தலைவர் மார்ட்டின் ஓடேகார்டின் உதவியுடன் ஹாலண்ட் தனது இரண்டாவது கோலை அடித்து நார்வேக்கு 3-2 வெற்றியை உறுதி செய்தார்.

Your email address will not be published. Required fields are marked *

முக்கிய செய்தி