மின்னல் தாக்கியதால் தாய்லாந்து கால்பந்து வீரர் பலி! மலேசியர் காயம்
- Shan Siva
- 05 Aug, 2026
கோலாலம்பூர், ஆக 5: சுங்கை கோலோக்கில் உள்ள சாந்திபாப் மைதானத்தில் நேற்று பிற்பகல் நடைபெற்ற எஃப்.ஏ. கோலோக் கிண்ணக் கால்பந்து போட்டியின் போது மின்னல் தாக்கியதில் தாய்லாந்து கால்பந்து வீரர் ஒருவர் உயிரிழந்தார், மேலும் மலேசியர் ஒருவர் காயமடைந்தார்.
உள்ளூர் நேரப்படி மாலை 5 மணியளவில், கனமழை பெய்துகொண்டிருந்தபோது, ஆடுகளத்தின் நடுவில் திடீரென மின்னல் தாக்கியதில் இந்தச் சம்பவம் நிகழ்ந்ததாக சுங்கை கோலோக் காவல் துறைத் தலைவர் துன் சிரிகுந்த் தெரிவித்தார்.
இந்தச் சம்பவத்தில் ஒன்பதுக்கும் மேற்பட்டோர் காயமடைந்தனர், அதே நேரத்தில், யாலா எஃப்சி அணியின் வீரரான 24 வயது தாய்லாந்து நாட்டவரான சோஃப்வான் அவே உயிரிழந்தார் என்று தெரிவிக்கப்பட்டுள்ளது.
இந்தச் சம்பவத்தில் காயமடைந்த மலேசிய வீரர், 22 வயதான அலிஃப் எஸ்ஸஹான் சுல்கிஃப்லி என அடையாளம் காணப்பட்டுள்ளதாக அவர் கூறினார்.
மாலை 5.30 மணியளவில் காவல்துறைக்கு அவசர அழைப்பு வந்ததாகவும், உடனடியாக சம்பவ இடத்திற்கு விரைந்தபோது சோஃப்வான் உயிருக்கு ஆபத்தான நிலையில் இருந்ததைக் கண்டதாகவும் துன் தெரிவித்தார்.
அவசர மருத்துவக் குழுவினர் அவரைக் காப்பாற்ற அனைத்து முயற்சிகளையும் மேற்கொண்டபோதிலும், இந்தச் சம்பவத்தில் ஏற்பட்ட கடுமையான காயங்களால் அவர் உயிரிழந்தார் என்றும் அவர் கூறினார்.
காயமடைந்தவர்கள் சிகிச்சைக்காக சுங்கை கோலோக் மருத்துவமனைக்கு கொண்டு செல்லப்பட்ட நிலையில், காவல்துறையினர் இச்சம்பவம் குறித்து விசாரித்து வருகின்றனர்!
Leave a Reply
Your email address will not be published. Required fields are marked *
தேடல்
செய்தி வகை
