• Muthu Kumar
• 11 Feb, 2026

கடந்த ஆண்டின் மகாசிவராத்திரி ஆன்மீக ரீதியாக மட்டுமன்றி ஜோதிட ரீதியாகவும் மிகுந்த சிறப்பை பெற்றுள்ளது.கும்ப ராசியில் நான்கு கிரகங்கள் ஒன்றிணையும் அரிய அமைப்பு உருவாக இருப்பதால், சில ராசிகளுக்கு இது ராஜயோகம் தரும் காலமாக மாறும் என ஜோதிடர்கள் கணிக்கின்றனர்.

ஆதியும் அந்தமும் இல்லாத சிவபெருமான் ஜோதி வடிவானவர் என இந்து மதம் கூறுகிறது. இந்துக்களின் பாரம்பரிய நம்பிக்கையில் சிவன் கடவுள்களின் கடவுள் என போற்றப்படுகிறார். அவரை வழிபடும் அனைவருக்கும் மட்டுமன்றி, அனைத்து உயிர்களுக்கும் அருள் புரிபவர் என்ற பெருமையும் சிவபெருமானுக்கு உண்டு.

புராணங்களின்படி மகாசிவராத்திரி தினமே சிவபெருமான் மற்றும் பார்வதி தேவியின் திருக்கல்யாண நாள் எனக் கருதப்படுகிறது. அதனால் இந்த நாள் மிகுந்த புண்ணியமாக மதிக்கப்படுகிறது. இந்த ஆண்டு பிப்ரவரி 15ஆம் தேதி மகாசிவராத்திரி கொண்டாடப்படுகிறது.

இந்த புனித நாளில் சனி பகவானின் சொந்த ராசியான கும்ப ராசியில் ராகு, புதன், சுக்கிரன் மற்றும் சூரியன் ஆகிய நான்கு கிரகங்கள் ஒன்றிணைகின்றன. இதனால் உருவாகும் சதுர்கிரக யோகம் 12 ராசிகளிலும் தாக்கத்தை ஏற்படுத்தினாலும், குறிப்பிட்ட சில ராசிகளுக்கு அமோக பலன்களை வழங்கும்.

மேஷம்

மேஷ ராசியின் 11ஆம் வீட்டில் சதுர்கிரக யோகம் அமைவதால் பொருளாதாரத்தில் பெரிய முன்னேற்றம் காணப்படும். எதிர்பாராத பணவரவு கிடைக்கும் வாய்ப்பு உண்டு. பழைய முதலீடுகள் லாபம் தரும். வேலை தேடுபவர்களுக்கு நல்ல வேலை கிடைக்கும். பணியிடத்தில் மரியாதை உயரும். நீண்டநாள் கடன் பிரச்சினைகள் தீரும். குடும்பத்தில் சுப நிகழ்வுகள் நடைபெறும்.

மகரம்

மகர ராசியின் 2ஆம் வீட்டில் இந்த யோகம் அமைவதால் பணச் சிக்கல்கள் குறையும். நிதிநிலையில் உயர்வு ஏற்படும். நீண்ட நாட்களாக நிலுவையில் இருந்த வழக்குகளில் சாதகமான முடிவு கிடைக்கலாம். பரம்பரை சொத்து கைக்கு வரும் வாய்ப்பு உள்ளது. திருமண வாழ்க்கையில் ஒற்றுமை அதிகரிக்கும். தலைமை பொறுப்புகள் கிடைக்கும் சாத்தியம் காணப்படுகிறது.

கன்னி

கன்னி ராசியின் 6ஆம் வீட்டில் சதுர்கிரக யோகம் உருவாகுவதால் பரம்பரை சொத்து பிரச்சினைகள் தீரும். பொருளாதாரம் மேம்படும். புதிய வீடு, வாகனம் வாங்கும் வாய்ப்பு உண்டு. தொடங்க நினைத்த தொழிலில் வெற்றி கிடைக்கும். உயர்ந்த பதவி மற்றும் செல்வ செழிப்பு அதிகரிக்கும். மொத்தத்தில், இந்த ஆண்டின் மகாசிவராத்திரி ஆன்மீக சக்தியுடன் சேர்ந்து ஜோதிட ரீதியாகவும் பல மாற்றங்களை ஏற்படுத்தும் காலமாக அமைகிறது.

பொறுப்பு - துறப்பு:
இங்கு வழங்கப்பட்டுள்ள தகவல்கள் பல்வேறு ஜோதிட நம்பிக்கைகள் மற்றும் ஊடக அறிக்கைகள் அடிப்படையில் தொகுக்கப்பட்டவையாகும் என்பதை நினைவில் கொள்ள வேண்டும்.