சுங்கை பக்காப் தொகுதிக்கு என்ன செய்வேன்? PH வேட்பாளரின் 4 அம்ச திட்டங்கள்!

top-news

நிபோங் தெபால், ஜூன் 30: மேம்படுத்தப்பட்ட உள்கட்டமைப்பு, இலவசக் கல்வி, வறுமை ஒழிப்பு மற்றும் சுங்கை பக்காப்பில் குடியுரிமைப் பிரச்சினைகளுக்கு தீர்வு ஆகியவை பக்காத்தான் ஹராப்பான் வேட்பாளர் டாக்டர் ஜூஹாரி அரிஃபினின் சட்டமன்ற இடைத்தேர்தலுக்கான தேர்தல் வாக்குறுதிகளாக முன்வைக்கப்பட்டுள்ளது.

நேற்றிரவு வெளியிடப்பட்ட அவரது 'perPADUan' (ஒற்றுமை) பிரகடனத்தின் முக்கிய அம்சமாக , தொகுதிக்கான நியாயம் என்ற வாக்குறுதி முன்மொழியப்பட்டுள்ளது.

நான்கு முக்கிய அம்சங்களை அவரது அறிக்கை உள்ளடக்கியுள்ளது. முதலாவது 'பிரசரணா & முன்னேற்றம்' (உள்கட்டமைப்பு மற்றும் முன்னேற்றம்).

சுங்கை கெரியன் நீர் சுத்திகரிப்பு நிலையம், பேராக்-பினாங்கு நீர்த் திட்டம் மற்றும் பண்டார் தாசெக் முத்தியாராவுக்கு ஓர் இணைப்புச் சாலை உள்ளிட்ட நீர் மற்றும் சாலை உள்கட்டமைப்பை நிறைவு செய்வதை முதல் அம்சத்தில் உறுதியளிக்கிறார்.  

இரண்டாவது  :அகாடெமிக் & அனாக் மூடா' (கல்வி மற்றும் இளைஞர்கள்), SPM  மாணவர்களுக்கு இலவச கல்வி வழங்குவது மற்றும் மக்கள் கல்வி மையத்தை நிறுவுவது ஆகியவை அடங்கும்.

அறிவியல், தொழில்நுட்பம், பொறியியல் மற்றும் கணிதப் பாடத்தை வழங்குவது. தொழில்நுட்ப மற்றும் தொழிற்கல்வி மற்றும் பயிற்சி;  மற்றும் செயற்கை நுண்ணறிவு திட்டங்களை மாணவர்களுக்காக சுங்கை பக்காப்பில் உருவாக்கிக் கொடுப்பது.
மேலும் விளையாட்டு வசதிகளை மேம்படுத்துவது.  பட்டம் பெற்ற இளைஞர்களுக்கு, வேலை வாய்ப்பை அதிகரிக்க முயற்சிகள் மேற்கொள்ளப்படும்.

மூன்றாவது 'டமாய் & டெடிகாசி' (அமைதி மற்றும் அர்ப்பணிப்பு). நல்லிணக்கம்,  குடும்ப முன்னேற்றம்,  வறுமை ஒழிப்பு, இஸ்லாமிய பணி மற்றும் ஒற்றுமை பணி, குடியுரிமை பிரச்சினைகளை தீர்ப்பது, மசூதி மற்றும் சுராவ் செயல்பாடுகளை ஆதரித்தல் மற்றும் முஸ்லீம் அல்லாத வழிபாட்டு தலங்களைப் பாதுகாத்தல் ஆகியவை இதில் அடங்கும்.

நான்காவது அம்சம்,  'உன்டோ செமுவா' (அனைவருக்கும்), இனம், மதம் அல்லது அரசியல் சார்பு ஆகியவற்றைப் பொருட்படுத்தாமல், நியாயமான மற்றும் சமமான சிகிச்சை.

நேற்று நடைபெற்ற  தேர்தல் அறிக்கையின் வெளியீட்டு விழாவில் PH செயலாளர் டத்தோஸ்ரீ சைபுடின் நசுத்தியோன் இஸ்மாயில், பிகேஆர் துணைத் தலைவர் ரபிசி ரம்லி மற்றும் பினாங்கு முதலமைச்சர் சோவ் கோன் இயோவ் ஆகியோர் கலந்து கொண்டனர்!

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்