ஜாசின் MP சென்ற வாகனம் விபத்துக்குள்ளானது!

Shan Siva
21 Jun, 2026

அலோர் காஜா, ஜூன் 21: அலோர் காஜா-மலாக்கா தெங்கா-ஜாசின், சாலையில் உள்ள ஜெலாத்தாங் சிக்னல் சந்திப்பில், ஜாசின் நாடாளுமன்ற உறுப்பினர் சுல்கிஃப்லி இஸ்மாயில் ஓட்டிச் சென்ற வாகனம் மற்றொரு காருடன் மோதியதில், அவருக்கு லேசான காயங்களும், அவரது மனைவிக்கு நெஞ்சு வலியும் ஏற்பட்டது.

நேற்று காலை 5.20 மணிக்கு நடந்த இந்தச் சம்பவத்தில், 60 வயதான மலாக்கா பாஸ் காட்சியின் ஆணையர், ஜெலாத்தாங் சிக்னல் சந்திப்பிலிருந்து நிசான் டீனா காரை ஓட்டிச் சென்றதாகவும், அதே நேரத்தில் பெரோடுவா ஆக்சியா கார் அலோர் காஜாவிலிருந்து காடெக் நோக்கிச் சென்று கொண்டிருந்ததாகவும் அலோர் காஜா காவல்துறைத் தலைவர் அஹ்மத் அபு பக்கர் கூறினார்.

பெரோடுவா ஆக்சியா காரை 30 வயதான தொழிற்சாலைப் பெண் ஊழியர் ஒருவர் ஓட்டிச் சென்றதாகவும், அவருடன் மூன்று தோழிகளும் காரில் இருந்ததாகவும் அவர் கூறினார்.

விபத்தின் விளைவாக, சுல்கிஃப்லிக்கு இரு கைகளிலும் வெட்டுக்காயங்கள் ஏற்பட்டன, அதே நேரத்தில் அவரது மனைவிக்கு நெஞ்சு வலி ஏற்பட்டது. பெரோடுவா ஆக்சியா காரின் ஓட்டுநருக்கு விலா எலும்புகள் மற்றும் இடுப்பு எலும்பில் முறிவுகள் ஏற்பட்டதாகத் தெரிவிக்கப்பட்டுள்ளது என்று ஒரு அபு பக்கார் ஓர் அறிக்கையில் கூறினார்.

பெரோடுவா ஆக்சியா ஓட்டுநர் மலாக்கா மருத்துவமனையில் சிகிச்சை பெற்று வருகிறார் என்றும், அவரது மூன்று தோழிகள் சிறு காயங்களுடன் அலோர் காஜா மருத்துவமனையில் சிகிச்சை பெற்று வருகின்றனர் என்றும் அவர் கூறினார்.

மேலும், கவனக்குறைவான மற்றும் அக்கறையற்ற வாகனம் ஓட்டுதலுக்காக, 1987 ஆம் ஆண்டு சாலைப் போக்குவரத்துச் சட்டத்தின் பிரிவு 43(1)-இன் கீழ் இந்த வழக்கு விசாரிக்கப்பட்டு வருவதாகவும் அவர் கூறினார்!

Your email address will not be published. Required fields are marked *

முக்கிய செய்தி