• Shan Siva
• 19 Feb, 2025

கோலாலம்பூர், பிப் 19: மலேசியாவில் தற்போதுள்ள சட்டங்கள்,  தனிப்பட்ட முறையில் ஒருவரின் குணநலனைச் சிதைக்கும் சம்பவங்களின் அதிகரிப்பைக் குறைக்க முடியும் என்று சிலாங்கூர் சுல்தான் சுல்தான் ஷராபுதீன் இட்ரிஸ் ஷா சுட்டிக்காட்டியதை அடுத்து, தவறான தகவல்கள், அவதூறு அல்லது ஆதாரமற்ற விமர்சனங்களைப் பரப்புவதன் மூலம் ஒரு நபரின் நற்பெயருக்கு சேதம் விளைவிப்பதே குணநலன் படுகொலை ஆகும்  என்று பிரதமர் டத்தோஸ்ரீ அன்வார் இப்ராஹிம் விளக்கினார்.

 இது, பாரம்பரிய ஊடகங்கள், சமூக ஊடகங்கள் மற்றும் பொது விவாதங்கள் உட்பட பல்வேறு தளங்களில் நிகழ்கிறது என்று அவர் மேலும் கூறினார்.

ஃபேஸ்புக், டிக்டாக் மற்றும் இன்ஸ்டாகிராம் போன்ற சமூக ஊடக தளங்களின் எழுச்சி, சிலரை குறிவைத்து தவறான தகவல்கள் மற்றும் அவதூறான உள்ளடக்கம் பரப்புவதன் மூலம், சம்பந்தப்பட்ட நபர்களின் குணநலன்களை முற்றிலும் சிதைப்பதற்கான முக்கிய வழியாக மாறியுள்ளது என்று அன்வார் கூறினார்.

"இதைச் சமாளிக்க, தற்போதுள்ள பல சட்டங்களைப் பயன்படுத்தலாம்," என்று அவர் கூறினார்.

குறிப்பாக தேசத்துரோகச் சட்டம் 1948 (சட்டம் 15) ஐ அவர் மேற்கோள் காட்டினார். இது வெறுப்பு, பதற்றம் அல்லது பொது சீர்குலைவைத் தூண்டும் வெளியீடுகள் அல்லது அறிக்கைகளுக்கு எதிராக அதிகாரிகள் நடவடிக்கை எடுக்க உதவுகிறது, இதில் இன நல்லிணக்கம் மற்றும் நிறுவனங்களை அச்சுறுத்தும் குற்றங்களும் அடங்கும் என்று அவர் சுட்டிக்காட்டினார்.