PH சுங்கை பக்காப் வேட்பாளர் யார்? ஜூன் 12 -ஆம் தேதி அறிவிக்கப்படும்! - ரஃபிஸி ரம்லி

top-news

நிபோங் தெபால், ஜூன் 10: சுங்கை பக்காப் இடைத்தேர்தலில் ஒற்றுமை அரசாங்கத்தைப் பிரதிநிதித்துவப்படுத்தும் வேட்பாளர் ஜூன் 12 அன்று அறிவிக்கப்படுவார் எனத் தெரிவிக்கப்பட்டுள்ளது.

பிகேஆர் துணைத் தலைவர் ரபிசி ரம்லி, கட்சியில் இருந்து தேர்ந்தெடுக்கப்பட்ட வேட்பாளர் பெயர் செவ்வாய்க்கிழமை பிற்பகல் நடைபெறும் ஒற்றுமை அரசாங்கத் தலைமை ஆலோசனைக் குழுக் கூட்டத்தில் முன்வைக்கப்படும் என்றார்.

“வேட்பாளர்களின் பட்டியல் பிகேஆர் தலைவர் அன்வார் இப்ராகிம் மற்றும் தேர்தல் துறையிடம் சமர்ப்பிக்கப்பட்டுள்ளது.  வேட்பாளர் பினாங்கு மாநில தலைமைக் குழுவால்  தேர்வுசெய்யப்பட்டுள்ளார்.

செவ்வாய்கிழமை நடைபெறும் ஒற்றுமை அரசாங்க தலைமை ஆலோசனைக் குழுக் கூட்டத்தில் செயல்முறையின்படி தேர்ந்தெடுக்கப்பட்ட பெயரை வேட்பாளராக முன்வைப்போம்.  அதுதான் செயல்முறை – பிகேஆர் போட்டியிட்டாலும், எங்கள் கூட்டணி கட்சிகள் அதை அங்கீகரிக்கும்" என்று நேற்று இரவு  சுங்கை பக்காப் இடைத்தேர்தலுக்கான ஒற்றுமை இயந்திரத்தை துவக்கிய பின்னர் செய்தியாளர்களிடம் அவர் கூறினார்.

பிகேஆர் தேர்தல் இயக்குனரான ரஃபிஸி, சுங்கை பக்காப் இடைத்தேர்தல் பக்காத்தான் ஹராப்பான் (பிஎச்) மற்றும் பாரிசான் நேஷனல் கூட்டணிக்கு எளிதான போட்டியாக இருக்காது, ஆனால், பெரிக்காத்தான் நேஷனலிடம் இழந்த இடத்தை மீண்டும் பெற வாய்ப்பு இருப்பதாக கூறினார். 

"இந்த இடைத்தேர்தலில் நாங்கள் தாழ்த்தப்பட்டவர்களாக உள்ளோம் என்பதை நாங்கள் ஏற்றுக்கொள்கிறோம். ஆனால்,  சுங்கை பக்காப் தொகுதியை நாங்கள் திரும்பப் பெறுவோம்" என்று அவர் கூறினார்.

சுங்கை பக்காப் இடைத்தேர்தலுக்கான பிரச்சாரம் வித்தியாசமாக இருக்க வேண்டும்.  பாலஸ்தீன மக்களின் பிரச்சினையை உரையாற்றும் உரைகளுடன் சேர்த்துக்கொள்ள வேண்டும் என தேர்தல் இயந்திரங்களுக்கு அவர் நினைவூட்டினார்.

கட்சி இயந்திரங்கள் கண்ணியத்துடன் பிரச்சாரம் செய்ய வேண்டும் என்றும் எதிர்க்கட்சிகள் கூறும் குற்றச்சாட்டுகள் மற்றும் அவதூறுகளுக்கு சரியான முறையில் பதிலளிக்குமாறும் பொருளாதார அமைச்சருமான கேட்டுக் கொண்டார்.

நிகழ்ச்சியில் பினாங்கு PH தலைவர் சவ் கோன் இயோவ், பினாங்கு பிகேஆர் தலைமைக் குழுவின் துணைத் தலைவர் முகமட் அப்துல் ஹமிட், பினாங்கு அம்னோ தொடர்புக் குழுத் தலைவர் மூசா ஷேக் ஃபட்ஸிர், அம்னோ உச்ச மன்ற  உறுப்பினர் ஜமில் கிர் பஹரோம் மற்றும் நிபாங் தெபால் எம்பி ஃபத்லினா சிடெக் ஆகியோர் கலந்து கொண்டனர்.

சுங்கை பக்காப் இடைத்தேர்தலுக்கான வாக்குப்பதிவு நாளாக ஜூலை 6ஆம் தேதியைத் தேர்தல் ஆணையம் நிர்ணயித்துள்ளது, வேட்புமனு தாக்கல் ஜூன் 22ஆம் தேதியும், முன்கூட்டிய வாக்களிப்பு ஜூலை 2ஆம் தேதியும் நடைபெறும்.

மே 24ஆம் தேதி வயிற்றில் ஏற்பட்ட வீக்கத்தால் பதவியில் இருந்த நோர் ஜம்ரி லத்தீஃப் மரணமடைந்ததைத் தொடர்ந்து இடைத்தேர்தல் நடத்தப்படவுள்ளது.

கடந்த  தேர்தலில், பாஸ் கட்சியின்  Nibong Tebal தலைவராக இருந்த Nor Zamri, பக்காத்தான் ஹராப்பானின்  Nurhidayah Che Ros ஐ 1,563 வாக்குகள் பெரும்பான்மையுடன் தோற்கடித்தார்!

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்