நிக்கோட்டின் சட்டம் இனியும் தாமதம் வேண்டாம் - மலேசிய மருந்தாளுனர் சங்கம் வேண்டுகோள்

top-news



பெட்டாலிங் ஜெயா,  ஜூன் 3: இளைஞர்கள் மத்தியில்  நிக்கோடின் வஸ்துவுக்கு அடிமையாவதைத் தடுக்க உதவும் சட்டத்தை அமல்படுத்துவதில் "இனியும் தாமதிக்க வேண்டாம்" என்று மலேசிய மருந்தாளுநர் சங்கம் அழைப்பு விடுத்துள்ளது.

இந்த மாதம் செயல்படுத்தப்படும் என்று சுகாதார அமைச்சர் அறிவித்திருந்ததை அடுத்து மருந்தாளுனர் சங்கம் இதனைத் தெரிவித்துள்ளது.

கடந்த நவம்பரில் சட்டம் நிறைவேற்றப்பட்டு பிப்ரவரியில்  வெளியிடப்பட்டது. ஆனால் ஒழுங்குமுறைகளை வரைவதில் சுகாதார அமைச்சின்  நடவடிக்கைக்காகக் காத்திருக்கும் போது அமலாக்கம் ஸ்தம்பித்தது என  சங்கத்தின் தலைவர் அம்ராஹி புவாங் கூறினார்.

இந்த விதிமுறைகளுக்கு நாடாளுமன்றத்தில், கூடுதல் ஒப்புதல் தேவையில்லை, ஆனால் அமைச்சரவையின் அதிகார வரம்பிற்கு உட்பட்டது, என்று அவர் கூறினார்.

ஜூன் 2024 இல் சட்டம் மற்றும் விதிமுறைகள் நடைமுறைக்கு வரும் என்று சுகாதார அமைச்சர் அறிவித்திருந்தார். இந்த முக்கியமான பொது சுகாதார நடவடிக்கையில் மேலும் தாமதம் ஏற்படாது என்று தாங்கள் எதிர்பார்ப்பதாக  அம்ராஹி கூறினார்.

புகையிலை கட்டுப்பாட்டு சட்டத்தை அமல்படுத்த வேண்டிய அவசரத்தை மிகைப்படுத்த முடியாது என்று அவர் கூறினார். 

பொது சுகாதாரத்தை, குறிப்பாக நமது இளைய தலைமுறையின் நல்வாழ்வைப் பாதுகாப்பதற்கு, இந்த விதிமுறைகளை உடனடியாக செயல்படுத்துவது மிகவும் முக்கியமானது என்று அவர் தெரிவித்தார்.

இன்று முன்னதாக, சுகாதார அமைச்சர் Dzulkefly Ahmad இந்த ஆண்டு சட்டம் அமுல்படுத்தப்படும் என்று கூறினார்.  கடந்த மாதம், இ-சிகரெட் அல்லது வேப் பயன்படுத்துபவர்களின் அதிகரிப்புக்கு பதிலளிக்கும் விதமாக அமைச்சகம் இந்தச் சட்டத்தை அமல்படுத்தும் என்று எதிர்பார்க்கப்படுகிறது என்று Dzulkefly தெரிவித்தார்!

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்