• Muthu Kumar
• 19 Sep, 2025

பக்கத்து தெருவுக்கு சென்றால் கூட டூவீலர், தேவையான பொருட்கள் வாங்க ஆன்லைன் டெலிவரி, ஒரு மாடி ஏற வேண்டும் என்றால் லிஃப்ட் என்று பயன்படுத்திக் கொண்டு இருக்கின்றோம் நாம்.

வெகு சில சமயங்களில் மட்டுமே படிக்கட்டுகளை பயன்படுத்த வேண்டியிருக்கும். அவ்வாறு ஏதோ ஒரு சூழலில் நீங்கள் படிக்கட்டில் ஏறும் போது, கடுமையாக மூச்சு இறைப்பது அல்லது மூச்சு திணறல் போல ஏற்படுவதை உணர்கிறீர்களா?

சில படிக்கட்டுகள் ஏறிய பிறகு உங்களுக்கு மூச்சுத் திணறல் ஏற்படத் தொடங்குகிறதா? ஆம் எனில், இது சாதாரண உடல் பலவீனம் அல்லது உடல் பருமன் மட்டுமல்ல, அதற்குப் பின்னால் வேறு சில காரணங்களும் இருக்கலாம். இதைப் பற்றி உணவியல் நிபுணர் கூறும் பொழுது, 'சில படிகள் ஏறுவதற்குள் மூச்சு திணறுவது போல இருந்தால், அது மறைந்திருக்கும் ஏதோ ஒரு உடல்நலப் பிரச்சினையின் அறிகுறியாக இருக்கலாம். உடலில் ஏதோ ஒரு பாதிப்பு இருக்கலாம், அது தான் உடலிலிருந்து வரும் அறிகுறியாகஉள்ளது" என்று தெரிவித்துள்ளார்.

என்னென்ன காரணங்களாக இருக்கலாம் தெரியுமா?

• சில படிகளில் ஏறிய பிறகு உங்களுக்கு மூச்சுத் திணறல் ஏற்பட்டால், அது பின்வரும் பிரச்சனைகளின் அறிகுறியாக இருக்கலாம்.

• உடலில் ஹீமோகுளோபின் அளவு குறைவு அல்லது இரும்புச்சத்து குறைபாடு இருக்கலாம்

• பலவீனமான நுரையீரல், மோசமான சுவாசம் காரணமாக இருக்கலாம்

• ஊட்டச்சத்துக்கள் குறைபாடு, குறிப்பாக வைட்டமின்கள் D மற்றும் B12 குறைவாக இருக்கலாம்

• உடல் உழைப்பே இல்லாமல் திடீரென்று நடக்கும் போது, மூச்சு திணறுவது போல இருக்கலாம்.

வாழ்க்கை முறை மாற்றங்களைச் செய்யும்போது, உங்கள் உடல் மிகவும் ஃபிட்டாகவும் ஆரோக்கியமாகவும் மாறும், இது இயற்கையாகவே உங்கள் உடலின் ஆற்றலை அதிகரிக்கும்.

எளிமையான தீர்வுகள்
1) நெல்லிக்காய் மற்றும் பீட்ரூட் சாறு குடிப்பது, உடலின் ஹீமோகுளோபின் அளவை அதிகரிக்கிறது.

2) தினமும் குறைந்தது ஐந்து நிமிடங்களுக்கு மூச்சு பயிற்சி செய்வது, அல்லது பிராணாயமம் செய்வது, நுரையீரலை பலப்படுத்தி, ஆரோக்கியமாக வைத்திருக்க உதவும்.

3) தினமும் ஊறவைத்த திராட்சை மற்றும் சில கறிவேப்பிலை இலைகளை சாப்பிடுங்கள். இவை இரும்புச்சத்தை அளித்து, உடல் சோர்வு மற்றும் பலவீனத்தைப் போக்கவும் உதவுகின்றன.

4) தினமும் படிக்கட்டுகளில் ஏறுங்கள். குறைந்தது ஒரு மாடியவது ஏறுங்கள், பின்னர் சிறிது நேரம் ஓய்வெடுக்கவும், இதை இரண்டு முதல் மூன்று முறை செய்யவும். தினமும் படிக்கட்டுகளில் ஏறுவது உங்களுக்கு நல்ல உடற்பயிற்சியை வழங்கும் மற்றும் ஒட்டுமொத்தமாக உங்களை ஆரோக்கியமாக வைத்திருக்கும்.

நம் சிந்தனைப் பூங்காவில் கொடுக்கப்பட்டுள்ள குறிப்புகள் மருத்துவ ஆலோசனைகள் அல்ல. நீங்கள் மருத்துவரின் பரிந்துரைகளை கேட்டு சிகிச்சை மற்றும் உணவு முறைகளை பின்பற்றவும்.