விநாயகர் சதுர்த்தி 2025-பூஜை செய்வதற்கான முகூர்த்த நேரம் இது தான்!

Muthu Kumar
25 Aug, 2025

விநாயகர் சதுர்த்தி மிகவும் கோலாகலமாகக் கொண்டாடப்படும் ஒரு முக்கியமான பண்டிகையாகும். ஆவணி மாதத்தின் (பாத்ரபத மாதம்) வளர்பிறை சதுர்த்தி திதி அன்று நடக்கும்.இந்த ஆண்டு 2025 க்கான விநாயகர் சதுர்த்தி எப்போது தொடங்குகிறது, விநாயகர் சிலையை எப்போது வாங்க வேண்டும், பூஜை நேரம் குறித்த முழு விவரங்களை பார்க்கலாம்.

இந்து நாட்காட்டியின்படி, சுக்ல பக்ஷ சதுர்த்தி திதியானது ஆகஸ்ட் 26 அன்று மதியம் மணிக்குத் தொடங்கி ஆகஸ்ட் 27 அன்று பிற்பகல் வரை நீடிக்கிறது. சூரிய உதயம் இருக்கும் நாளின் அடிப்படையில், விநாயகர் சதுர்த்தி ஆகஸ்ட் 27, 2025 புதன்கிழமை அன்று கொண்டாடப்படுகிறது.

பொதுவாகவே விநாயகருக்கு உரிய சதுர்த்தி திதியில், மாலை அதாவது சூரிய அஸ்தமனம் ஆன பிறகுதான் சங்கடகர சதுர்த்திக்கான பூஜை வழிபாடுகள் செய்வது வழக்கம். ஆனால், பிள்ளையார் அவதரித்த நாள், வளர்பிறை சதுர்த்தி என்பதால், சூரிய உதயத்தில் இருக்கும் திதியின் அடிப்படையில், புதன்கிழமை, 27 ஆகஸ்ட் விநாயகர் சதுர்த்தி கொண்டாடப்படுகிறது.

விநாயகர் சதுர்த்தி கொண்டாடும் பெரும்பாலானவர்கள் ஒவ்வொரு ஆண்டுமே களிமண்ணால் செய்யப்பட்ட விநாயகர் சிலையை வாங்கி பூஜை செய்வார்கள். புதன்கிழமை காலை 7:30 மணி முதல் 9:00 மணி வரை ராகு காலம் இருப்பதால் இதற்கு முந்தைய நேரம் அல்லது 9 மணிக்கு மேல் விநாயகர் சிலையை வாங்குவதற்கான நல்ல நேரமாக கருதப்படுகிறது.

விநாயகர் சதுர்த்தி அன்று பிள்ளையார் சிலையை ஸ்தாபித்து வழிபட மிகவும் உகந்த நேரமான சுப முகூர்த்த நேரம் பின்வருமாறு:

விநாயகர் சதுர்த்தி பூஜைக்கான சுப முகூர்த்தம்: காலை 8:35 மணி முதல் பிற்பகல் 11:10 மணி வரை (மலேசிய நேரம்)
இந்த முகூர்த்த நேரத்தின் மொத்த கால அளவு 2 மணி நேரம் 34 நிமிடங்கள் ஆகும்.

இந்த ஆண்டு விநாயகர் சதுர்த்தி, விநாயகப் பெருமானுக்கு உகந்த தினமான புதன்கிழமை அன்று அமைவது இன்னுமொரு விசேஷ அம்சமாகும். இது தவிர, சுக்ல யோகம், சர்வார்த்த சித்தி யோகம், ரவி யோகம் போன்ற சிறந்த யோகங்களும் இந்த நாளில் உருவாகின்றன. இந்த யோகங்களின் சேர்க்கை வழிபாட்டினை மேலும் சிறப்பாக்குவதோடு, பக்தர்களுக்கு அனைத்து நற்பலன்களையும் தரும் என்று நம்பப்படுகிறது.

Your email address will not be published. Required fields are marked *

முக்கிய செய்தி