தஞ்சோங் பின் மின்னுற்பத்தி நிலைய கிரேன் இடிந்து விழுந்த சம்பவத்தில் முழுமையான விசாரணை வேண்டும்-துணைப் பிரதமர்
- Tamil Malar (Reporter)
- 14 Dec, 2025
பொந்தியான், டிச. 14-
மலாக்காஃப் மின்னுற்பத்தி நிலையத்தில் (Loji Janakuasa Malakoff) நிலக்கரி ஏற்றும் கிரேன் இடிந்து விழுந்து தீப்பிடித்த சம்பவத்தில் இரு தொழிலாளர்கள் உயிரிழந்ததையடுத்து, துணைப் பிரதமர் டத்தோ ஸ்ரீ பாடிலா யூசோப் முழுமையான, வெளிப்படையான ஆழமான விசாரணை நடத்துமாறு உத்தரவிட்டுள்ளார்.
இச்சம்பவம் டிசம்பர் 13, 2025 அன்று மதியம் 1 மணியளவில் ஜொகூர் மாநிலம் பொந்தியான் அருகேயுள்ள குகுப், ஜாலான் தஞ்சோங் பின் பகுதியில் உள்ள தஞ்சோங் பின் மின்னுற்பத்தி நிலையத்தில் நடந்தது. நிலக்கரி ஏற்றும் கிரேன் பராமரிப்புப் பணியின் போது இடிந்து விழுந்து சிறிய தீ விபத்தும் ஏற்பட்டது.
இதில் இரு ஒப்பந்தத் தொழிலாளர்கள் உயிரிழந்தனர், மூவர் படுகாயமடைந்து பொந்தியான் மருத்துவமனையில் சிகிச்சை பெற்று வருகின்றனர். தீயணைப்புப் படையினர் உடனடியாக விரைந்து சென்று மீட்புப் பணியில் ஈடுபட்டனர்.
தொழிலாளர் பாதுகாப்பு மற்றும் சுகாதாரத் துறை (JKKP), காவல்துறை (PDRM), ஆற்றல் ஆணையம் உள்ளிட்ட தொடர்புடைய அமைப்புகள் சம்பவத்தின் உண்மைக் காரணத்தை கண்டறிய வேண்டும் என்று வலியுறுத்தினார்.
ஏதேனும் அலட்சியம், நடைமுறைத் தரங்களைப் பின்பற்றத் தவறுதல் அல்லது பாதுகாப்புக் குறைபாடுகள் இருந்தால் கண்டிப்பாக நடவடிக்கை எடுக்கப்பட வேண்டும் என்றும், இதுபோன்ற சோகம் மீண்டும் நிகழாமல் தடுக்க நிலைய நிர்வாகமும் ஒப்பந்ததாரர்களும் முழு ஒத்துழைப்பு வழங்க வேண்டும் என்றும் அவர் கேட்டுக்கொண்டார்.
Leave a Reply
Your email address will not be published. Required fields are marked *
தேடல்
செய்தி வகை
