அம்னோவைப் பிடிக்காது; அதனால்தான் நச்சுக் கடிதங்கள்! - பேராசிரியர் ராமசாமி

top-news

பெட்டாலிங் ஜெயா, செப் 23: மக்கோத்தா இடைத்தேர்தலை புறக்கணிக்குமாறு சீன வாக்காளர்களை வலியுறுத்தும் விஷப் பேனா கடிதங்கள் அம்னோ வேட்பாளருக்கு வாக்களிப்பதை எதிர்க்கும் கட்சியின் பாரம்பரிய ஆதரவாளர்களிடமிருந்து வந்திருக்கலாம் என்று டிஏபி கட்சியின் முன்னாள் தலைவர்களில் ஒருவரான பேராசிரியர் டாக்டர் ராமசாமி கருத்து தெரிவித்துள்ளார்.

வரலாற்று ரீதியாக, சீன வாக்காளர்கள் பாரிசான் நேசனல் அல்லது அம்னோவிற்கு எதிராக வாக்களிக்கத் திரட்டப்பட்டுள்ளனர். இந்த இரண்டு கட்சிகளும் டிஏபியின் பாரம்பரிய எதிரிகள்தான் எப்போதும் என்று ராமசாமி கூறினார்.

இரு கட்சிகளுக்கும் இடையே பகைமை நன்கு கட்டமைக்கப்பட்டுள்ளதால், அம்னோவை ஆதரிக்குமாறு கேட்டுக்கொள்வதன் மூலம் இந்த சமூகத்தில் உள்ள பலர் குழப்பமடைந்துள்ளனர் அல்லது விரக்தியடைந்துள்ளனர் என்று அவர் விளக்கினார்.

எனவே, விஷப் பேனா கடிதங்கள் டிஏபியில் இருந்தே, குறிப்பாக ஜொகூரில் உள்ள உள்ளூர் பிரிவினரிடையே அதிருப்தியில் இருந்து வந்திருக்கலாம் என்று அவர் கூறினார்.

டிஏபி தலைமை நேரடியாக ஈடுபடவில்லை என்றாலும், அதிருப்தியடைந்த உள்ளூர் உறுப்பினர்கள் இக்கடிதங்களுக்குப் பின்னால் இருக்கலாம் என்று அவர் ஓர் அறிக்கையில் கூறினார்.

கடந்த சனிக்கிழமையன்று, குளுவாங் எம்பி வோங் ஷு கி, பல வீட்டுப் பகுதிகளில் மாண்டரின் மொழியில் எழுதப்பட்ட கடிதங்களை விநியோகிப்பது தொடர்பாக புகார்கள் வந்ததாகத் தெரிவித்தார்!

 

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்