கோலாலம்பூரில் மேலும் 4 பசுமை பகுதிகள்- அமைச்சர்
- Surendran Sumdraraj
- 07 May, 2026
கோலாலம்பூர், மே 7-
கோலாலம்பூரில் உள்ள மேலும் நான்கு பசுமை மற்றும் பொதுமக்கள் பயன்பாட்டு திறந்தவெளி பகுதிகள் அதிகாரப்பூர்வமாக அரசிதழில் பதிவு செய்யப்பட்டுள்ளதாகக் கூட்டாட்சி பிரதேச துறை (JWP) அறிவித்துள்ளது.
பிரதமர் துறை (கூட்டரசு பிரதேசம்) அமைச்சர் ஹன்னா இயோ தெரிவித்ததாவது, இந்த நடவடிக்கையால் தற்போது அரசிதழில் பதிவு செய்யப்பட்டுள்ள பசுமை மற்றும் திறந்தவெளி பகுதிகளின் மொத்த எண்ணிக்கை 543 ஆக உயர்ந்துள்ளது என்றார்.
புதியதாகப் பதிவு செய்யப்பட்ட பகுதிகளில் ஆலாம்டாமாய் பகுதியில் உள்ள ஜாலான் டாமாய் புஸ்பாவில் அமைந்துள்ள இரண்டு திறந்தவெளி நிலப்பகுதிகளும், செராஸ் தாமான் செகார் பகுதியில் உள்ள பெர்சியாரான் லெமாக் பகுதியில் அமைந்துள்ள விளையாட்டு பூங்கா மற்றும் சமூக மண்டபமும் அடங்கும்.
இன்று நடைபெற்ற செய்தியாளர் சந்திப்பில் பேசிய ஹன்னா இயோ, “இத்தகைய அரசிதழ் பதிவு மிகவும் முக்கியமானது. ஏற்கனவே உள்ள பொது வசதிகள் தொடர்ந்து மக்களின் பயன்பாட்டிற்கான திறந்தவெளி இடங்களாகப் பாதுகாக்கப்பட வேண்டும். குறிப்பாக தாமான் செகார் போன்ற அதிக மக்கள் தொகை கொண்ட நகர்ப்புற பகுதிகளில் இது அவசியம்,” என்றார்.
மேலும், கோலாலம்பூரில் முதியோர் மக்கள் தொகை அதிகரித்து வருவதையும் கருத்தில் கொண்டு பசுமை பகுதிகளை விரைவாக பாதுகாக்கும் நடவடிக்கைகள் மேற்கொள்ளப்படுவதாகவும் அவர் தெரிவித்தார்.
Leave a Reply
Your email address will not be published. Required fields are marked *
தேடல்
செய்தி வகை
