பயர்ன் முனிச்சுக்காக அதிவேகமாக 150 கோல்கள் – ஹாரி கேன் புதிய சாதனை
- Surendran Sumdraraj
- 14 Sep, 2026
முனிச் –
இங்கிலாந்து கால்பந்து அணியின் கேப்டனும் நட்சத்திர முன்கள வீரருமான ஹாரி கேன், ஜெர்மனியின் முன்னணி கிளப்பான பயர்ன் முனிச்சுக்காக அதிவேகமாக 150 கோல்கள் அடித்த வீரர் என்ற புதிய சாதனையைப் படைத்துள்ளார்.
கடந்த ஞாயிற்றுக்கிழமை நடைபெற்ற புண்டெஸ்லிகா போட்டியில் பயர்ன் முனிச் அணி எல்வர்ஸ்பெர்க் அணியை 2-1 என்ற கோல் கணக்கில் வீழ்த்தியது. இந்த ஆட்டத்தில் அணியின் வெற்றிக்கான முக்கிய கோலை அடித்த ஹாரி கேன், பயர்ன் முனிச்சுக்காக தனது 150-ஆவது கோலை பதிவு செய்தார்.
சிறப்பம்சமாக, அவர் தனது 153-ஆவது போட்டியிலேயே 150 கோல்கள் என்ற மைல்கல்லை எட்டியுள்ளார். இதன் மூலம் பயர்ன் முனிச் வரலாற்றில் மிகக் குறைந்த போட்டிகளில் 150 கோல்கள் அடித்த வீரர் என்ற பெருமையை பெற்றார்.
மூன்று ஆண்டுகளுக்கு முன்பு டோட்டன்ஹாம் ஹாட்ஸ்பர் அணியிலிருந்து பயர்ன் முனிச்சுக்கு மாறிய கேன், தொடர்ந்து அபாரமான கோல் வேட்டையில் ஈடுபட்டு வருகிறார். அனைத்து போட்டிகளையும் சேர்த்து ஒரு ஆட்டத்திற்கு சராசரியாக 0.98 கோல் என்ற அசத்தலான சாதனையை அவர் கொண்டுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
