நிபோங் தெபாலில் அதிகாலை தீ விபத்து: வீடும் ஐந்து வாகனங்களும் சேதம்
- Tamil Malar (Reporter)
- 02 Mar, 2026
நிபோங் தெபால், மார்ச் 2-
இன்று அதிகாலை ஏற்பட்ட தீ விபத்தில், சுங்கை பகாப் பகுதியில் உள்ள கம்பூங் லிமா கொங்சி கிராமத்தில் அமைந்திருந்த ஒரு வீடு மற்றும் ஐந்து வாகனங்கள் தீக்கிரையாகின.
இந்த தீ விபத்து அதிகாலை 4.17 மணியளவில் அறிவிக்கப்பட்டதாகவும், சுங்கை பகாப் தீயணைப்பு மற்றும் மீட்பு நிலையத்திலிருந்து தீயணைப்பு படையினர் 4.24 மணிக்கு சம்பவ இடத்துக்கு வந்தடைந்ததாகவும் தெரிவிக்கப்பட்டுள்ளது.
பினாங்கு மாநில தீயணைப்பு மற்றும் மீட்பு துறையின் செயல்பாட்டு உதவி இயக்குநர் ஜான் சாகுன் பிரான்சிஸ் தெரிவித்ததாவது, சுமார் 80 அடி நீளமும் 10 அடி அகலமும் கொண்ட அந்த வீடு சுமார் 80 சதவீதம் வரை சேதமடைந்துள்ளது.
மேலும், வீட்டின் வளாகத்துக்குள் நிறுத்தப்பட்டிருந்த ஐந்து வாகனங்களுக்கும் தீ பரவி சேதத்தை ஏற்படுத்தியது. தீ விபத்திற்கான காரணம் குறித்து அதிகாரிகள் தொடர்ந்து விசாரணை மேற்கொண்டு வருகின்றனர்.
இந்த சம்பவத்தில் உயிரிழப்பு அல்லது காயம் தொடர்பான தகவல்கள் இதுவரை வெளியாகவில்லை.
Leave a Reply
Your email address will not be published. Required fields are marked *
தேடல்
செய்தி வகை
