மத்திய கிழக்கு மோதலுக்கு எதிராக KKDW திட்டங்கள் மறுசீரமைப்பு
- Surendran Sumdraraj
- 02 Apr, 2026
புத்ராஜெயா, ஏப். 2-
மத்திய கிழக்குப் பகுதியில் நிலவி வரும் மோதல்களின் தாக்கத்தை எதிர்கொள்ளும் வகையில், கிராமப்புற நல்வாழ்வு மேம்பாட்டு அமைச்சு (KKDW) தனது அனைத்து திட்டங்களையும், செயல்திட்டங்களையும் மறுசீரமைக்க தீர்மானித்துள்ளது.
இத்தகவலை துணை பிரதமர் டத்தோ ஸ்ரீ டாக்டர் அகமட் சாஹிட் ஹமிடி தெரிவித்துள்ளார். அவர் கூறுகையில், கிராமப்புற மக்களுக்கு நேரடியாகப் பயன் அளிக்கும் மிக முக்கியமான திட்டங்களுக்கு முன்னுரிமை வழங்கப்படும் என்று வலியுறுத்தினார்.
அதே நேரத்தில், இது எந்தவொரு சலுகை (subsidy) திட்டமாக அல்ல என்றும், எரிபொருள் மற்றும் ஆற்றல் செலவுகள் உயர்வால் ஏற்படும் பொருளாதார சவால்களைச் சமாளிக்கும் புதிய முன்முயற்சியாக அமையும் என்றும் அவர் விளக்கினார்.
மேலும், சிறு மற்றும் நடுத்தர தொழில்முனைவோரின் வருமானத்தை அதிகரிக்கும் நோக்கில் பல முன்னெச்சரிக்கை நடவடிக்கைகள் மேற்கொள்ளப்பட்டுள்ளதாகவும், குறிப்பாக மைக்ரோ தொழில்முனைவோருக்கு அதிக ஆதரவு வழங்கப்படும் என்றும் தெரிவித்தார்.
இந்த மறுசீரமைப்பு முயற்சி, உலகளாவிய பொருளாதார நிலைமாற்றங்களுக்கு மத்தியில், நாட்டின் கிராமப்புற சமூகங்களை பாதுகாக்கவும், அவர்களின் வாழ்க்கைத் தரத்தை மேம்படுத்தவும் முக்கிய பங்காற்றும் என எதிர்பார்க்கப்படுகிறது.
Leave a Reply
Your email address will not be published. Required fields are marked *
தேடல்
செய்தி வகை
