பெல்ஜியத்துடன் எகிப்து சமநிலை

Surendran Sumdraraj
16 Jun, 2026

சியாட்டில், ஜூன் 16 –

2026 உலகக் கோப்பை கால்பந்து தொடரில் பங்கேற்கும் அணிகளின் எண்ணிக்கையை நிரப்புவதற்காக எகிப்து வரவில்லை என்றும், தனது அணி உலகத் தரத்திலான திறமையை வெளிப்படுத்தியுள்ளதாகவும் தலைமைப் பயிற்சியாளர் ஹோசாம் ஹசன் தெரிவித்துள்ளார்.

‘குரூப் ஜி’ பிரிவு ஆட்டத்தில் வலுவான பெல்ஜிய அணியுடன் 1-1 என்ற கோல் கணக்கில் சமநிலை கண்டதைத் தொடர்ந்து செய்தியாளர்களிடம் பேசிய அவர், வெற்றி தங்கள் கைவசம் இருந்ததாகவும் குறிப்பிட்டார்.

ஆட்டத்தின் 20-ஆவது நிமிடத்தில் எமாம் அஷூர் அடித்த அற்புதமான கோல் மூலம் எகிப்து முன்னிலை பெற்றது. அதன் பின்னர் பெல்ஜியத்தின் தாக்குதல்களைத் திறம்பட சமாளித்து கடுமையான சவாலை அளித்தது.

எனினும், 66-ஆவது நிமிடத்தில் மாற்று வீரராக களமிறங்கிய சில விநாடிகளிலேயே ரொமேலு லுகாகு ஏற்படுத்திய அழுத்தத்தால் முகமது ஹானி தவறுதலாக சுய கோல் அடித்ததால் பெல்ஜியம் சமநிலையை எட்டியது.

Your email address will not be published. Required fields are marked *

முக்கிய செய்தி