BUDI95 திட்டத்தில் முறைகேடு? - பிறரின் MyKad பயன்படுத்தினால் கடும் நடவடிக்கை - நிதியமைச்சு எச்சரிக்கை
- Surendran Sumdraraj
- 29 May, 2026
புத்ராஜெயா, மே 29-
BUDI MADANI RON95 (BUDI95) மானியத் திட்டத்தின் கீழ், MyKad அடையாள அட்டையை உடல் ரீதியாக சரிபார்க்காமல் மேற்கொள்ளப்படும் எந்தவொரு எரிபொருள் பரிவர்த்தனையும் அனுமதிக்கப்படாது என்று நிதியமைச்சு (MOF) கடுமையாக எச்சரித்துள்ளது.
BUDI95 திட்டத்தின் கீழ் பிறரின் MyKad தகவல்கள் அனுமதியின்றி பயன்படுத்தப்பட்டதாகப் பல புகார்கள் கிடைத்துள்ள நிலையில், அமைச்சு இந்த விவகாரத்தை மிகவும் தீவிரமாக எடுத்துக்கொண்டுள்ளதாகத் தெரிவித்துள்ளது.
அமைச்சு வெளியிட்ட அறிக்கையில், MyKad அட்டையை நேரடியாக சரிபார்க்காமல் கையேடு முறையில் பரிவர்த்தனை செய்வது, அனுமதியற்ற பயன்பாடு, மானிய மோசடி மற்றும் திட்டத்தின் நம்பகத்தன்மைக்குப் பாதிப்பை ஏற்படுத்தும் என்று குறிப்பிடப்பட்டுள்ளது.
மேலும், மற்றொருவரின் MyKad-ஐ உரிய அனுமதியின்றி பயன்படுத்துவது அல்லது வைத்திருப்பது தேசிய பதிவுச் சட்ட விதிமுறைகள் 1990-ன் விதி 25-இன் கீழ் கடுமையான குற்றமாகும் என்றும் அமைச்சு சுட்டிக்காட்டியுள்ளது.
இதனையடுத்து, நாடு முழுவதும் உள்ள எரிபொருள் நிலையங்கள் மற்றும் எண்ணெய் சில்லறை விற்பனையாளர்கள், BUDI95 பரிவர்த்தனைகளில் MyKad சரிபார்ப்பு தொடர்பான தரநிலை செயற்பாட்டு நடைமுறைகளை (SOP) கண்டிப்பாக பின்பற்ற வேண்டும் என்று நிதியமைச்சு உத்தரவிட்டுள்ளது.
Leave a Reply
Your email address will not be published. Required fields are marked *
தேடல்
செய்தி வகை
