• Shan Siva
• 28 Jan, 2025

புத்ரஜெயா, ஜன 28: சீனப் புத்தாண்டை முன்னிட்டு, அறிவிக்கப்பட்ட பொது விடுமுறை நாட்களுக்கு அப்பால் நீட்டிக்கத் திட்டமிடும் முதலாளிகள், தங்கள் தொழிலாளர்களை வருடாந்திர அல்லது ஊதியம் இல்லாத விடுப்பில் எடுக்க கட்டாயப்படுத்த வேண்டாம் என்று நினைவூட்டப்படுகிறார்கள்.

முதலாளிகள், தங்கள் தொழிலாளர்களை வருடாந்திர அல்லது ஊதியம் இல்லாத விடுப்பு எடுக்க கட்டாயப்படுத்துவது குறித்து ஊழியர்களிடமிருந்து புகார்கள் வந்துள்ளதாக மனிதவள அமைச்சு தெரிவித்துள்ளது.

ஊழியர்கள் தங்கள் வருடாந்திர விடுப்பை எப்போது பயன்படுத்த வேண்டும் என்பதைத் தீர்மானிக்க உரிமை உண்டு என்பதையும், வணிகச் செலவுகளைக் குறைக்க முதலாளிகள் தங்கள் வருடாந்திர அல்லது ஊதியம் இல்லாத விடுப்பைப் பயன்படுத்த அவர்களை கட்டாயப்படுத்த முடியாது என்பதையும் தாங்கள் வலியுறுத்த விரும்புவதாக மனிதவள அமைச்சு தெரிவித்துள்ளது.

வருடாந்திர மற்றும் ஊதியம் இல்லாத விடுப்புகள், ஊழியரின் கோரிக்கை மற்றும் விருப்பப்படி வழங்கப்பட வேண்டும் என்று அமைச்சு ஓர் அறிக்கையில் தெரிவித்துள்ளது.