கூலாயில் விபத்து – மூதாட்டி பலி, மூவர் காயம்
- Surendran Sumdraraj
- 04 Apr, 2026
கூலாய், ஏப். 4-
கூலாய்–கோத்தா திங்கி சாலையின் 9ஆம் கிலோமீட்டரில் நேற்று மாலை ஏற்பட்ட சாலை விபத்தில், மூதாட்டி ஒருவர் உயிரிழந்ததுடன் மேலும் மூவர் காயமடைந்தனர்.
இந்த விபத்து மாலை சுமார் 6.50 மணியளவில் பெல்டா தாயிப் சந்திப்பு அருகே நடைபெற்றது. இதில் இரண்டு பெரோடுவா கார்கள், அதாவது ஆக்சியா மற்றும் கெனாரி சம்பந்தப்பட்டன.
கூலாய் மாவட்ட போலீஸ் தலைவர் Tan Seng Lee தெரிவித்ததாவது, ஆரம்ப விசாரணையில் 33 வயதுடைய உள்ளூர் பெண் ஓட்டிச் சென்ற ஆக்சியா வாகனம் கட்டுப்பாட்டை இழந்ததாக நம்பப்படுகிறது. அந்த வாகனத்தில் அவருடன் அவரது பாட்டியும் பயணம் செய்திருந்தார்.
கட்டுப்பாட்டை இழந்த வாகனம் எதிர்ப்பாதையில் புகுந்து, எதிரே வந்த கெனாரி காருடன் மோதி விபத்துக்குள்ளானது.
இந்த விபத்தில் மூதாட்டி சம்பவ இடத்திலேயே உயிரிழந்ததாகவும், மற்ற மூவர் காயமடைந்து மருத்துவமனைக்கு அனுப்பப்பட்டதாகவும் போலீஸ் தெரிவித்துள்ளது.
இந்த சம்பவம் தொடர்பான மேலதிக விசாரணைகள் நடைபெற்று வருகின்றன.
Leave a Reply
Your email address will not be published. Required fields are marked *
தேடல்
செய்தி வகை
