• Shan Siva
• 01 Feb, 2025

ஜார்ஜ் டவுன், பிப் 1: பினாங்கு முதலமைச்சர் சௌ கோன் இயோவ், நாட்டில் தேங்காய்களுக்கு கடுமையான பற்றாக்குறை நிலவுவதால், இந்த ஆண்டு தைப்பூச விழாவிற்கு பக்தர்கள் உடைக்கும் தேங்காய்களின் எண்ணிக்கையைக் குறைக்குமாறு அழைப்பு விடுத்துள்ளார்.

தேங்காய் உடைப்பதைக் குறைக்க பினாங்கு நுகர்வோர் சங்கத்தின் சமீபத்திய அழைப்பை எதிரொலிக்கும் வகையில், இந்த சடங்கு ஒரு முக்கியமான பாரம்பரியமாக இருந்தாலும், தற்போதைய விநியோகக் கட்டுப்பாடுகளைக் கருத்தில் கொண்டு பக்தர்கள் நடைமுறைக்கு ஏற்றவாறு இருக்க வேண்டும் என்று அவர் வலியுறுத்தினார்.

தைப்பூசத்தில் தேங்காய்களைப் பயன்படுத்துவது பொதுமக்களின் உணவுப் பாதுகாப்பைப் பாதிக்காத வகையில் பக்தர்கள் மிகவும் சிக்கனமாக இருக்க வேண்டும்  என்று அவர் செய்தியாளர்களிடம் கூறினார்!