ஆத்திரமூட்டும் பிரசாரங்களைப் புறக்கணித்து சரியான தலைவரைத் தேர்ந்தெடுங்கள் – ஜொஹாரி அப்துல் கனி
- Surendran Sumdraraj
- 28 Jul, 2026
கோலா பிலா, ஜூலை 28-
நெகிரி செம்பிலான் 16ஆவது மாநிலத் தேர்தலில் (PRN) வாக்காளர்கள் ஆத்திரமூட்டும் மற்றும் தூண்டுதல் நிறைந்த தேர்தல் பிரசாரங்களால் பாதிக்கப்படாமல், மாநிலத்திற்கு மாற்றத்தை ஏற்படுத்தக்கூடிய தலைவர்களைத் தேர்ந்தெடுப்பதில் கவனம் செலுத்த வேண்டும் என்று அம்னோ உதவி தலைவர் டத்தோஸ்ரீ ஜொஹாரி அப்துல் கனி வலியுறுத்தினார்.
அவர் கூறுகையில், தற்போதைய முக்கிய முன்னுரிமை பாரிசான் நேஷனல் (BN) கூட்டணியின் கொள்கைகள் மற்றும் மக்கள் நலத் திட்டங்களை முன்னிறுத்தி, மாநிலத்திற்கு நிலையான அரசை அமைக்கக்கூடிய திறமையான வேட்பாளர்களை மக்கள் தேர்வு செய்வதாகும் என்றார்.
வாக்காளர்கள், போட்டியிடும் வேட்பாளர்களின் திறன், மக்கள் நலனில் காட்டும் அக்கறை மற்றும் தங்களது தொகுதிக்கு சேவையாற்றும் அர்ப்பணிப்பு ஆகியவற்றை மதிப்பீடு செய்து வாக்களிக்க வேண்டும் என்றும் அவர் தெரிவித்தார்.
“தேர்தல் காலம் வரும்போதெல்லாம் பாரிசான் நேஷனல் மற்றும் அம்னோவுக்கு எதிராக பல்வேறு குற்றச்சாட்டுகள் முன்வைக்கப்படுகின்றன. குறிப்பாக, சில தலைவர்களைச் சுற்றிய பழைய விவகாரங்கள் மீண்டும் மீண்டும் பேசப்படுகின்றன. ஆனால், மக்கள் கடந்த கால சர்ச்சைகளை விட, எதிர்கால வளர்ச்சிக்காக யார் சிறப்பாக செயல்பட முடியும் என்பதை கருத்தில் கொள்ள வேண்டும்,” என்று அவர் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
