• Shan Siva
• 29 Jun, 2026

ஷா ஆலம், ஜூன் 29: ஷா ஆலம் LRT3 வழித்தடமும் அதன் இணைப்புப் பேருந்து சேவைகளும் இன்று முதல் ஒரு மாதத்திற்கு இலவசமாக வழங்கப்படும் என பிரதமர் டத்தோஸ்ரீ அன்வார் இப்ராஹிம் தெரிவித்துள்ளார்.

இந்த இலவச சேவை ஜூலை 31 அன்று முடிவடையும்.

 நேற்று ஜொஹான் செத்தியா ரயில் நிலைய பணிமனையில் ஷா ஆலம் LRT3 வழித்தடத்தை பிரதமர்  தொடங்கி வைத்துப் பேசுகையில் இதனைக் குறிப்பிட்டார்.

மக்கள் சிறந்த போக்குவரத்து வசதிகளை விரும்புகிறார்கள், ஆனால் கட்டணங்கள் நியாயமானதாக இருக்க வேண்டும். எந்தவொரு நாட்டிலும் பொதுப் போக்குவரத்து அரசுக்கு ஒரு பெரிய நேரடி நிதி வருவாயை வழங்குவதாகக் கருதப்படுவதில்லை; அதற்கு அதிக, தொடர்ச்சியான நிதி உட்செலுத்தல்கள் தேவை என்று அவர் கூறினார்.

மக்களின் வசதிக்காக பொதுப் போக்குவரத்திற்கு முன்னுரிமை அளிப்பதில் அரசாங்கம் மற்றும் தனியார் துறையின் கூட்டு உறுதிப்பாட்டின் மற்றொரு அறிகுறியாக இந்தத் திட்டத்தை அவர் விவரித்தார்.

மக்களுக்கு வசதியை வழங்கும் வகையில் பொதுப் போக்குவரத்திற்கு முன்னுரிமை அளிக்கப்படுவதை உறுதி செய்வதற்காக, அரசாங்கம், தனியார் துறை, போக்குவரத்து அமைச்சகம் மற்றும் பிரசாரனா ஆகியவற்றுக்கு இடையேயான நமது கூட்டு உறுதிப்பாட்டின் மற்றொரு அடையாளம் இந்தத் திட்டம் என்று அவர் கூறினார்.

நாடு முழுவதும் போக்குவரத்து உள்கட்டமைப்பை மேம்படுத்த அரசாங்கம் முனைவதால், அவசரத் தேவைகளின் காரணமாக போக்குவரத்து அமைச்சகத்திற்கு பெரிய நிதி ஒதுக்கீடுகள் ஒதுக்கப்பட்டுள்ளதாக அவர் கூறினார்.

மலேசியா முன்னேற வேண்டும் என்று நாங்கள் விரும்புகிறோம், மேலும் போக்குவரத்து ஒரு முக்கியக் கவனமாக இருக்க வேண்டும். நெடுஞ்சாலைகள், இலகுரக ரயில் பாதைகள், துறைமுகங்கள் என அனைத்தும் உடனடியாக மேம்படுத்தப்பட வேண்டும்  என்று அவர் கூறினார்.

ஜொஹான் செத்தியாவிலிருந்து பண்டார் உத்தாமா வரை நீளும் இந்த வழித்தடத்திற்கு RM4.7 பில்லியன் நிதி ஒதுக்கீடு செய்யப்பட்டுள்ளதாக அன்வார் மேலும் கூறினார்.

RM4.7 பில்லியன் என்ற கணிசமான நிதி ஒதுக்கீட்டைக் கொண்ட இத்திட்டத்தால் நன்மைகள் மிக அதிகம் என்று கூறிய அவர், இந்தத் திட்டத்தை மாற்றத்திற்கான ஒரு வினையூக்கி என்று விவரித்தார்.

கிள்ளான்/ஷா ஆலம் மற்றும் பெட்டாலிங் ஜெயா இடையேயான போக்குவரத்து நெரிசல் நாட்டிலேயே மிகவும் நெரிசலான பகுதிகளில் ஒன்றாகும் என்றும், இந்த இலவச சேவை அப்பகுதியில் நெரிசலைக் குறைக்க உதவும் என்றும் அவர் நம்பிக்கை தெரிவித்தார்.

நெரிசல் என்பது அதிக கார்பன் வெளியேற்றத்தைக் குறிக்கிறது. இந்தச் சேவையின் மூலம், நெரிசல் குறைந்து, நேரமும் எரிபொருளும் சேமிக்கப்படும், மேலும் நமது சுற்றுச்சூழல் அமைப்பின் மீதான சுமையும் குறையும் என்று நம்புகிறோ என்று அவர் கூறினார்.

37.8 கி.மீ. நீளமுள்ள ஷா ஆலம் வழித்தடம், பெட்டாலிங் ஜெயாவில் உள்ள பண்டார் உத்தாமாவை கிள்ளானில் உள்ள ஜோஹான் செத்தியாவுடன் 20 நிலையங்கள் வழியாக இணைக்கிறது. இது பெட்டாலிங் ஜெயா, ஷா ஆலம் மற்றும் கிள்ளான் ஆகிய பகுதிகளில் இரண்டு மில்லியனுக்கும் அதிகமான குடியிருப்பாளர்களுக்குப் பயனளிக்கிறது!