• Shan Siva
• 03 Feb, 2025

கோலாலம்பூர், பிப் 3: அனைத்து பங்காளி கட்சிகளின் உடன்பாடு இல்லாமல் பாரிசான் நேஷனலில் இருந்து MCA-வை கட்சி வெளியேற்றுவது சாத்தியமற்றது என்று அம்னோ உச்ச மன்ற உறுப்பினர் புவாட் சர்காஷி தெரிவித்துள்ளார்.

கூட்டணியில் இருந்து கட்சியை வெளியேற்ற "வெளியாட்களிடமிருந்து" பரிந்துரைகள் வந்ததாக ஊடக அறிக்கைகள் குறித்து கருத்து தெரிவித்த புவாட், அத்தகைய அச்சங்கள் ஆதாரமற்றவை என்று கூறினார்.

MCA அதன் சொந்த நிழலுக்கு அஞ்சக்கூடாது. ஒவ்வொரு கட்சிக்கும் அம்னோவைப் போலவே அதன் ஏற்றத் தாழ்வுகள் உள்ளன. ஒரு வழி இருக்க வேண்டும். விரல்களை நீட்ட வேண்டிய அவசியமில்லை என்று அவர் சுட்டிக்காட்டினார்.

அம்னோ மற்றும் MCA மட்டுமல்ல, பாரிசானில் ம.இ.கா மற்றும் PBRS கட்சிகளும் உள்ளன.

அம்னோ எம்சிஏவை பாரிசானில் இருந்து வெளியேற்ற வேண்டும் என்று சில "வெளியாட்கள்"  பரிந்துரைத்ததாக எம்சிஏ தலைவர் வீ கா சியோங் சீன ஊடகத்திற்கு அளித்த பேட்டியில் கூறியதை அடுத்து புவாட் இவ்வாறு பதிலளித்தார்!