• Shan Siva
• 30 Jan, 2025

கோலாலம்பூர், ஜன 30: மலேசிய நாட்டினரின் வெளிநாட்டு வாழ்க்கைத் துணைவர்கள் நிரந்தர வசிப்பிடத்திற்கு (PR) விண்ணப்பிக்க குறைந்தபட்சம் திருமணமாகி மூன்று ஆண்டுகள் ஆகியிருக்க வேண்டும் என்று தெரிவிக்கப்பட்டுள்ளது. இது ஐந்து ஆண்டுகளாக இருந்த நிலையில் தற்போது மூன்று ஆண்டுகளாகக் குறைக்கப்பட்டுள்ளது.

மலேசியர்களைத் திருமணம் செய்துள்ள வெளிநாட்டு வாழ்க்கைத் துணைவர்கள் PR க்கு விண்ணப்பிக்க தகுதி பெறுவதற்கு முன்பு, குறைந்தபட்சம் ஒரு வருடமாவது நீண்டகால சமூக வருகை அனுமதி உரிமமான  LTSVP வைத்திருக்க வேண்டும் என்றும் அது மேலும் கூறியது.

அதோடு, PR விண்ணப்பங்களுக்கான புள்ளிகள் அடிப்படையிலான மதிப்பீட்டு முறையும் ரத்து செய்யப்பட்டுள்ளதாகவும், புதிய PR விண்ணப்பங்களைச் செயல்படுத்த ஆறு மாதங்கள் ஆகும் என்று உள்துறை அமைச்சு ஓர் அறிக்கையில் தெரிவித்துள்ளது.

இந்த முயற்சிகள் வரும் செப்டம்பர் மாத இறுதிக்குள் தொடங்கும் என்று அமைச்சு தெரிவித்துள்ளது.

இந்த ஆண்டின் மூன்றாம் காலாண்டிற்குள் வெளிநாட்டு வாழ்க்கைத் துணைவர்களுக்கான PR அந்தஸ்துக்கான விண்ணப்பத்தை சிறப்பாகவும் நெறிப்படுத்தவும் சீர்திருத்தங்கள் நடந்து வருவதாக அரசாங்கம் முன்பு கூறியிருந்தது குறிப்பிடத்தக்கது.

 புள்ளிகள் அடிப்படையிலான PR விண்ணப்ப முறை குறித்த புகார்கள் அதிகரித்துள்ளதாக வெளிநாட்டு வாழ்க்கைத் துணைவர்கள் ஆதரவு குழு சமீபத்தில் தெரிவித்துள்ளது.

இதனை அடுத்து, திருமணம் செய்து இதுவரை எத்தனை ஆண்டுகள் ஆகியிருக்கின்றன மற்றும் தம்பதியினர் ஒன்றாக வைத்திருக்கும் குழந்தைகளின் எண்ணிக்கை போன்ற காரணிகளின் அடிப்படையில் ஒப்புதல் இப்போது இருக்கும் என்று அமைச்சு அறிவித்துள்ளது!