சம்பளத்தை உயர்த்திய ‘டிரெண்டிங்’ நடிகை மமிதா பைஜு; கோலிவுட்டில் அதிகரிக்கும் மார்க்கெட்
- Surendran Sumdraraj
- 14 Apr, 2026
தென்னிந்திய திரையுலகில் வேகமாக முன்னேறி வரும் இளம் நடிகைகளில் ஒருவராக திகழும் நடிகை Mamitha Baiju, தற்போது தனது சம்பளத்தை உயர்த்தியுள்ளதாகத் தகவல்கள் வெளியாகி ரசிகர்களிடையே பேசுபொருளாகியுள்ளது. ‘பிரேமலு’ திரைப்பட வெற்றிக்குப் பிறகு இளம் ரசிகர்கள் மத்தியில் பெரும் வரவேற்பைப் பெற்ற மமிதா பைஜு, தொடர்ந்து தமிழ் மற்றும் மலையாள சினிமாவில் கவனம் ஈர்த்து வருகிறார்.
சமீபத்தில் வெளியாகியுள்ள தகவலின்படி, புதிய படங்களுக்கு மமிதா பைஜு தனது சம்பளத்தை கணிசமாக உயர்த்தியுள்ளதாக கூறப்படுகிறது. சமூக வலைதளங்களில் அவர் ரூ.15 கோடி சம்பளம் கேட்கிறார் என்ற வதந்திகளும் பரவின. ஆனால் அந்த தகவலை மமிதா மறுத்து, அது மிகைப்படுத்தப்பட்ட வதந்தி என தெரிவித்துள்ளார்.
திரையுலக வட்டாரங்களில் பரவி வரும் தகவலின்படி, தற்போது அவர் ஒரு படத்திற்கு சுமார் ரூ.60 லட்சம் வரை சம்பளம் பெறுவதாக கூறப்படுகிறது. இதற்கு காரணமாக அவரது அதிகரித்துவரும் ரசிகர் பட்டாளம், தொடர்ந்து கிடைக்கும் பட வாய்ப்புகள் மற்றும் சமூக வலைதளங்களில் உருவாகியிருக்கும் பிரபலம்தான் என கூறப்படுகிறது.
தமிழ் சினிமாவிலும் தனது நிலையை உறுதிப்படுத்தி வரும் மமிதா பைஜு, முன்னணி நடிகர்களுடன் இணைந்து நடிக்கும் வாய்ப்புகளையும் பெற்று வருகிறார். சமீபத்தில் பல முக்கிய திரைப்படங்களில் நடிக்க ஒப்பந்தமாகியுள்ளதாக தகவல்கள் வெளியாகியுள்ளன.
Leave a Reply
Your email address will not be published. Required fields are marked *
தேடல்
செய்தி வகை
